掃呢頁CODE去手機

2017年1月29日 星期日

【獨家】現住比華利山 屋邨港姐徐淑敏車隊赴彩雲邨 驚動街訪 __,港姐,徐淑敏,

依家嘅徐淑敏,係三女之母,去東京學藍帶法國餐,又計劃去英國學做管家,學吓招呼客人技巧、學摺衫,學做一個稱職家庭主婦。日前佢接受《蘋果》訪問時已預告,嚟緊有半年時間唔喺香港。噚日大年初一,日日忙於湊女同為事業打拼嘅人妻徐淑敏,原來返咗佢半個娘家——彩雲邨。有讀者向《蘋果》報料,話見到徐淑敏嘅「車隊」「大駕光臨」彩雲邨喎。港姐出身嘅徐淑敏,如今家住比華利山,其實佢細個嗰陣,本來同父母、家姐一齊住青衣公 ...




其他影片:>>






依家嘅徐淑敏,係三女之母,去東京學藍帶法國餐,又計劃去英國學做管家,學吓招呼客人技巧、學摺衫,學做一個稱職家庭主婦。日前佢接受《蘋果》訪問時已預告,嚟緊有半年時間唔喺香港。噚日大年初一,日日忙於湊女同為事業打拼嘅人妻徐淑敏,原來返咗佢半個娘家——彩雲邨。有讀者向《蘋果》報料,話見到徐淑敏嘅「車隊」「大駕光臨」彩雲邨喎。港姐出身嘅徐淑敏,如今家住比華利山,其實佢細個嗰陣,本來同父母、家姐一齊住青衣公屋,但因為爸爸媽媽唔得閒湊佢,所以將佢同家姐寄居去外婆彩雲邨家中,同表弟表妹一齊住。外婆煮嘢好叻,徐淑敏煮嘢都好叻,咁噚日徐淑敏帶埋三個女同老公黃浩去外婆家拜年,有冇一展身手呢?徐淑敏接受本報訪問時話,其實佢哋每年農曆新年都會去彩雲邨向外婆拜年,咁有冇露兩手?徐淑敏話:「因為佢哋屋企多人,唔想打搞到婆婆佢哋,所以都係坐一坐就走。」不過因為此行太多人,又保鑣又三個女,陣容鼎盛,難怪一出現即引起街坊注意啦。徐淑敏又話,老公黃浩一直都好有心,每逢大時大節,都會接埋Suki屋企人一齊出去食飯。而Suki媽媽煮嘢食都好叻,每逢新年都會煮啲糕點一齊食。外婆煮嘢叻,媽媽煮嘢又叻,徐淑敏煮嘢又叻,可以考慮整番個《三代食堂》都好喎。

依家Suki一家五口,成日都會周圍去 。 (資料圖片) 黑色車係黃浩,後面嗰架7人車都係。(讀者提供圖片) 有讀者喺彩雲邨見到徐淑敏去到彩雲邨。(資料圖片)
(資料圖片) Suki本身係屋邨出身 (資料圖片) (資料圖片)
(資料圖片) 右邊嘅就係Suki細個嘅時候,已經好得意。

來源 source: http://s.nextmedia.com
鍾意就快D Share啦!