曾國祥執導嘅《七月與安生》，之前喺金馬獎有7項提名，仲創造佳績，兩位女主角周冬雨及馬思純孖住封后，絕對係事業有成！上個月，曾國祥仲同拍拖3年嘅王敏奕首次以情侶檔身份拍廣告，奉旨親熱。日前呢對戀人終於搵到私人時間，喺銅鑼灣時代廣場拍拖。當日傍晚6點左右，曾國祥陪伴女友王敏奕買完代妝品，就喺商場漫步，享受吓獨處嘅時光。之後兩人就咗陣地，落咗去地庫嘅超級市場連環放閃，第一擊係搭扶手電梯嗰陣，王敏奕向男友撒嬌，成個頭挨向曾國祥，而曾國祥呢，就伸手輕掃女友髮尾。落到去超市，曾國祥同王敏奕分開行咗一陣，曾國祥專心咁踎低揀零食，大約20分鐘左右王敏奕先返嚟會合男友，再次放閃。今次王敏奕喺曾國祥專心睇緊嘢時候，不停用左手輕拍男友心口，手指仲好似彈琴咁彈吓彈吓。拖手蹺臂呢啲例牌動作當然唔少得啦，王敏奕喺俾錢嘅時候終於出絕招，雙手環抱曾國祥，仲當住收銀員面前挨落男友膊頭，疑似錫咗男友一啖，話俾全世界知佢哋拍緊拖。
| （採訪、攝影：朱志聰、黃曉程） | | |
| | | |
| | | |
| | | |
來源 source: http://s.nextmedia.com
|
鍾意就快D Share啦！
|
|
|
