2017年1月31日 星期二

劉佩玥唔搣甩伍允龍:佢係魔術貼! __,劉佩玥,伍允龍,

劉佩玥猴年成績大躍進。去年是無綫藝人劉佩玥(Moon)大躍進一年,Moon有六部劇集推出,憑《城寨英雄》及《幕後玩家》獲網民大讚演技出色,更在馬來西亞及新加坡頒獎禮中有獎攞。想有突破適逢新春佳節,三人相約歎賀年大餐,品嘗「撈起」菜式寓意愈撈愈好,他們大講新年願望,Moon直言去年相當豐收,寄望新一年有更好及多方面發展:「頭幾年係撒種期,慶幸得到好多前輩教路,喺馬來西亞、新加坡有獎已經好surpri ...




其他影片:>>






劉佩玥猴年成績大躍進。

去年是無綫藝人劉佩玥(Moon)大躍進一年,Moon有六部劇集推出,憑《城寨英雄》及《幕後玩家》獲網民大讚演技出色,更在馬來西亞及新加坡頒獎禮中有獎攞。

想有突破

適逢新春佳節,三人相約歎賀年大餐,品嘗「撈起」菜式寓意愈撈愈好,他們大講新年願望,Moon直言去年相當豐收,寄望新一年有更好及多方面發展:「頭幾年係撒種期,慶幸得到好多前輩教路,喺馬來西亞、新加坡有獎已經好surprise,冇諗過大家咁鍾意我啲角色,新一年我會繼續努力!我讀書時係讀電影,希望有機會寫下故事,依家公司有big big channel,有平台畀藝員發揮,都想寫個劇本搵好友幫我拍!另外有時間都會練歌,希望商演獻唱會唱好啲!不過最重要都係拍劇。(舊年有六套劇面世,今年有冇壓力?)呢幾套畀觀眾認識我,之前做咗活潑大小姐、最強小三,都要諗點突破自己,唔想重複,係有小小壓力,會邊做邊學,啱啱拍完嘅《降魔的》角色有發揮,新一年未必睇量,希望重質,演技再提升。(願望想拎飛躍獎?)真係冇諗,我資歷仲太少,與其戰戰兢兢得獎,不如再做好啲自己,獎項係額外Bonus,唔代表冇獎係冇努力。」

拍拖時機未成熟

問到新一年會否想感情方面有着落?Moon笑言自己不心急,相信神會為她安排,去年她與伍允龍(Philip)因拍劇傳緋聞,問到會否想搣甩對方?她笑說:「不嬲係好朋友、好拍檔,因為劇集我哋多咗人識,唔使搣甩佢,佢係魔術貼咁,觀眾鍾意我哋合作。(即係想同佢感情昇華?)工作上唔搣甩佢啫!其實我冇諗拍拖好耐,時機未成熟,如果有穩定感情,公開都唔係唔好,但依家真係冇時間投入一段感情。」

場地:陶源酒家

劉佩玥化妝及髮型:Angela Shum@Mel Anjo

邵珮詩化妝:Soey Li

髮型:Kennki@queensprivatei

鳴謝:Barry@Oneness

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...