徐淑敏車隊 衣錦還彩雲邨拜年
【爆相爆片】現年32歲的「咪神」徐淑敏（Suki）自嫁給商人黃浩後，由住公屋的屋邨港姐搖身一變入住比華利山獨立屋，4年抱3個女十分好生養。前日大年初一，徐淑敏和老公舉家出動3架保母車，衣錦還鄉返彩雲邨曾寄居的外婆家拜年，十分架勢；黃浩更於年三十晚親自炮製鮑參翅肚富豪級團年飯，大晒幸福閃光彈。
■徐淑敏與囡囡日前在其比華利山居所向本報讀者拜年。攝影：林德雄
徐淑敏於2006年參選香港小姐獲旅遊大使獎，憑33C驕人身材被封「咪神」，3年後宣佈奉女成婚，閃嫁年長12歲的飲食業才俊黃浩，現育有長女黃心瑤、二女黃心柔和孻女黃沁誼，原本是住青衣屋邨的Suki，嫁作人妻後越住越富貴，由清水灣搬入比華利山獨立屋。前日大年初一，Suki率家人衣錦還彩雲邨跟外婆拜年。
■Suki前日出動三架保母車返彩雲邨探外婆，圖為其中兩架（箭嘴示）。讀者提供圖片
■徐淑敏入行前住在青衣邨公屋，小時候則與姊姊寄住外婆彩雲邨（圖）的家。資料圖片
低調棄名車大年初一，本報收到讀者J「爆相爆片」報料，指Suki一家於下午5時許大駕光臨彩雲邨拜年，從相片所見，屋邨樓下泊了三輛保母車，十分大陣仗。據知，由於黃浩和老婆想低調關係，沒有出動靚車林寶堅尼去屋邨拜年，只動用三輛保母車接載一家五口、Suki的父母及胞姊，浩浩蕩蕩到彩雲邨探外婆。Suki入行前跟父母和家姐蝸居於青衣邨公屋單位，兩姊妹共住一房，年幼時因父母要工作無暇照顧，她和家姐要寄居於外婆的彩雲邨屋企，跟表弟表妹一齊住。
Suki前日接受本報訪問表示，每年農曆新年都會去彩雲邨向外婆拜年，問曾到東京學藍帶法國餐的她，有否趁機大展廚技？她說：「因為佢哋屋企多人，唔想打搞到婆婆佢哋，所以都係坐一坐就走。」雖然只是逗留了一會，不過Suki舉家出巡彩雲邨，還有保鑣護駕下的確架勢，難怪吸引街坊注意。
■黃浩與Suki每逢舉家出巡，必定有數名保鑣及傭人等包圍。資料圖片
■嫁給黃浩後，Suki便入住比華利山獨立屋。
囡囡捐利是問到有否辦年貨？Suki說：「通常都係由奶奶負責，自己作為後輩，有買海味送畀長輩。」相信Suki送了海味孝敬外婆。至於囡囡𢭃到的利是怎處理？幫她們儲起還是捐作善事？Suki說：「大女嘅學校有慈善捐獻，囡囡一早講咗將部份利是錢捐做慈善用途。」
Suki更大讚老公黃浩很有心，每逢大時大節，都會跟Suki的娘家一齊出去食飯。而Suki的媽咪烹飪都好了得，每逢新年都會煮糕點和家人分享。上周五的年三十晚，就由老公黃浩親自下廚炮製鮑參翅肚富豪級團年飯，他在facebook貼相並留言：「在家吃我煮的團年飯、鮑參翅肚宴、日本禾麻吉品鮑，祝大家身體健康、雞年行大運！」昨日Suki一家就出外飲早茶，今日原定計劃到日本度歲，不過因當地太大雪關係，他們決定取消機票，改去新加坡過一個熱辣辣的農曆新年。
採訪：陳杰
|
鍾意就快D Share啦！
|
|
|
