小心身體好喎。
藝人陳展鵬以剃頭新look現身無綫新劇《乘勝狙擊》宣傳，透露今日將為另一套新劇《天命》開工，劇接劇的他坦言早前拍《同盟》時休息時間少，每日僅得個多小時睡覺，故幾個月來處於崩緊狀態，就連睡覺也頻頻紮醒，儼如畀鬼壓般，他謂：「每日起身都會諗自己幾點通告，好驚遲到，係呢兩日好啲，未入新劇組可以瞓到自然醒。」
談到《天》劇演歷史人物和珅，展鵬表示也會有動作場面，更會講蒙古、滿漢、英文及廣東話四種語言，問到哪種語言最困難？展鵬謂：「我仲未練，但到時應該都係講一句起兩句止，監製好好，暫時畀我一日拍兩場先。(有冇感情線？）唐詩詠、姚子羚同李施嬅都有，但故仔係男仔戲，唔係太着重呢方面。（有冇親熱戲？）暫時只睇到幾集劇本。」
來源 source: http://hk.on.cc
|
鍾意就快D Share啦！
|
|
|
