一講游蕙禎（游B）大家應該都會諗起「扑嘢論」、「關我咩事呀？」呢啲金句，其實由佢15年「單挑」梁美芬開始，到上年被DQ議員資格，一直都係焦點。游B早前更成為Google「最熱爆本地時事人物搜尋排行榜」榜首。由此可見，游B一直都冇離開過網民嘅視線，仲有眼利嘅網民留意到游B近日好似「發福」咗喎！可能係因為被DQ後，要面對巨額債務而壓力大啩？早前高等法院上訴庭，駁回佢同梁頌恆嘅宣誓司法覆核上訴，游B失去議員資格，被立法會秘書處發信追收93萬議員酬金同預支營運資金，同時又要面對幾百萬訟費，游蕙禎有可能會破產。(新聞連結： http://bit.ly/2hZ3vXY )無論點都好，生活總要過！日前，游B就被《蘋果》影到一個人喺銅鑼灣利園商場附近出現，之後佢就上咗附近一棟大廈，半個鐘後，佢就同一個着西裝嘅男仔一齊落樓。二人先去太平館食晏，醫飽個肚後，就急急行去街口間恒生銀行，直埋櫃枱，同個銀行職員傾咗一陣，職員就俾咗份form游B去填。見佢一路填一路眉頭緊皺，滿懷心事咁！喺銀行逗留約20分鐘，游B就同西裝男離開銀行，步行到港鐵站，游B同搭港鐵嘅西裝男分道揚鑣，之後佢一個人搭過海巴士去旺角。落車後，游B入咗便利店買咗支水，其間有唔少人認得佢，細細聲嗌佢個名，不過游BB都冇乜反應，沿途一直低頭撳電話，然後急步上咗豉油街一棟住宅單位，未有離開。其實都明白嘅，游B o依家都係冇咩心情理市民都無可厚非，一來要面對各方嘅壓力；二來身形變波，又唔知其他人見到會唔會講閒言閒語，都係急急腳上樓穩陣啲。
| 攝影：吳耀輝 | | |
| | | |
| | | |
| | | |
| | | |
|
鍾意就快D Share啦！
|
|
|
