熱爆娛樂: 【住宿用咗過百萬】Hea住234億酋長皇宮徐淑敏嘆住金箔咖啡睇靚景 _

2017年1月7日星期六

【住宿用咗過百萬】Hea住234億酋長皇宮徐淑敏嘆住金箔咖啡睇靚景 __,徐淑敏,

其他影片：>>

徐淑敏（Suki）同黃浩（Kenny）好錫三個囡囡，每逢假日全家例必外遊，一家人跨年之旅就揀咗去杜拜同阿布扎比過新年。Suki呢次豪遊杜拜，佢哋當然有入住杜拜七星級嘅帆船酒店，同埋阿布扎比號稱八星級嘅酋長皇宮（Emirates Palace），酋長皇宮主樓係一座圓頂形嘅皇宮，整座酒店嘅造價逾234億港元。Suki話呢次行程唔係為咗血拼，反而係想喺酒店hea吓同睇風景，佢今日接受《蘋果》訪問時話：「幾乎每日都轉一間酒店，總共住咗10間唔同嘅酒店。」據知，單係酒店花費逾百萬，既然住靚靚酒店，當然要享用佢哋設施，Kenny就帶住三個囡囡喺泳池玩水同曬太陽，Suki喺杜拜仲嘆咗一杯金箔Cappuccino，又靚又好味，色香味俱全。Suki好鍾意刺激玩意，所以佢哋去到阿布扎比嘅法拉利主題樂園Ferrari World時，都有玩全球最快過山車Formula Rossa，時速最高更達240公里，Suki話：「好可惜玩過山車時得我自己一個玩，佢哋怕怕，冇人陪我玩，所以冇咁盡興。」畢竟三個囡囡太細，所以小朋友就喺阿布扎比觀光時騎駱駝，兩歲嘅細女Isabella都有單獨自己騎，騎完又猛話好玩。Suki玩完過山車再騎駱駝，當然覺得唔過癮，但見到囡囡咁開心，媽咪就當然樂意奉陪。

Suki同家人去中東旅行，同陽光玩遊戲。	曬幾多皮膚都咁白。	去玩法拉利樂園，仲玩咗超快過山車。
Suki喺杜拜嘆咗一杯金箔 Cappuccino	阿布扎比酋長皇宮酒店有提供駱駝畀住客試騎，Suki同囡囡都有輪流玩。
黃浩同囡囡喺帆船店泳池嬉水降溫	一家人喺杜拜Legoland遊玩。	（左起）黃浩媽咪、Suki同姑奶一齊去咗阿布朼比嘅大清真寺朝聖
介紹番，呢間房係八星級嘅酋長皇宮嘅其中一角。	呢到係帆船酒店個無敵海景。	廁所都係豪華級。
設計齊全，係咪好想入去住呢？