29歲楊受成細仔楊政龍咩事笑到咁開心? 事關佢可以同心儀對象食飯，梗係高興。楊政龍嘅女神，就係坐喺隔離嘅超蓮呀 ! 呢晚出席飯局，除咗有阿Sa、超蓮之外，仲有張敬軒、馬天佑、吳千語等等。
自從超蓮甩拖之後，一班阿兵哥出動，其中一位就係楊政龍。 買禮物送俾超蓮，當然係其中一招啦，但人人都送就冇咁特別，好似楊政龍嘅殺手鐧就係Twins。佢知道超蓮好鍾意Twins，就投其所好，只要一約Twins食飯，超蓮就會現身一齊撐枱腳。睇Twins 演唱會，有楊政龍陪超蓮一齊睇，平時又會搞下星級飯局，同超蓮聯誼。
所以，呢晚阿Sa嘅出現，又成功吸引到超蓮到場，楊政龍當然係做護花使者，送女神過來啦。成個飯局，楊政龍成日都眼甘甘望住超蓮，又問下超蓮想食咩，之後就夾俾佢；又周不時撩下對方傾計。
見超蓮飲酒當水咁飲，楊政龍就拎杯茶俾超蓮，叫佢唔好飲太多。 不過，超蓮對杯茶冇乜興趣，唯有自己飲啦。去到飯局後半部份，張敬軒就同超蓮調位，令超蓮同楊政龍嘅距離再一度收窄。成班人就圍住軒仔講有味笑話，一齊大聲講大聲笑!
雖然楊政龍同Model Christy三度復合，不過成班朋友都好識做，有超蓮出現嘅飯局，一定唔會提Christy。呢一個飯局，亦都係一樣，只會傾下其他無厘頭嘢，或者三級話題，Christy呢個名絕對唔會提到，成功塑造楊政龍係單身好男仔!
來源 source: http://s.nextmedia.com
|
鍾意就快D Share啦！
|
|
|
