現年67歲、演慣江湖人物的李兆基兩年前中風入院，由於病後雙腳無力，行動不便，需要暫停所有工作，所謂手停口停，兩年來醫病、生活，花光了所有積蓄，今年農曆年前更因欠租，被業主入稟法庭追租，險些連住屋都成問題，幸最終得到好友導演劉寶賢的幫助，才能得以保住棲身之所。
農曆年前被追租
李兆基今日撐着拐杖，一枴一枴地前往茶餐廳食飯，期間接受東網訪問。聲線沙啞，說話、反應頗為緩慢的他，對於經濟出現問題表示：「其實病咗之後，因為冇工作，所以經濟都一直有困難，最難捱嘅係農曆年前，連租都交唔到，畀業主入稟法庭追，我完全明白佢咁做係啱嘅，佢買樓收租，我交唔到，佢自然要用佢嘅方法追我，好彩細寶（劉寶賢）幫我，令我有錢交番啲租，搞好件事。」
後悔冇儲錢
李兆基一向是圈中義氣仔女，很多藝人都曾經找他幫忙，他亦直言以前曾幫藝人朋友追片酬、擺平一些麻煩，而現在病了，李兆基直言不想麻煩人，所以一個朋友都沒有找，就連一位欠他廿萬的藝人，他亦都沒打算找他追債，李兆基謂：「我幫人冇諗過要人幫番自己，借咗我廿萬嘅藝人，我亦冇諗住叫佢還，佢想還自然會嚟還，我現在過得一日得一日，唔諗咁多，只希望佢哋（認識他的朋友）趁有能力就儲番個錢，否則就會好似我咁，呢個亦係我最失敗嘅地方，搵到錢嘅時候，冇儲起佢。」
吳志雄冇搵自己
看盡人情冷暖，李兆基沒有半點怨懟，反而對他有恩的人，他則一直惦記着，李兆基謂：「麥家琪、羅家英同埋杜琪峯都好好，都曾經幫過我，好多謝佢哋，當然細寶就更加唔使講，幫我最多，陳慎芝又成日陪我，而屋企人都有幫我，太太照顧我，而我家姐、細佬妹都有幫我，但始終佢哋都有自己嘅家庭，自己嘅負擔，大家各有難處，我依家乜嘢希望都冇，過得一日得一日。」李兆基早年與吳志雄經常拍住上登台搵食，如今李兆基病了，問吳志雄有沒有找他？李兆基說：「冇，佢成日要周圍去登台工作，冇時間搵我都好正常。」另外，李兆基很感激段偉倫，上年8月兩人一起合作拍電影，李兆基很感激他的幫助
。
李兆基多年前曾參與過不少義工活動，隨社工團體到學校跟問題青年傾偈，又去請過一些露宿者食飯、剪髮，如今李兆基生活出現嚴重困難，曾有社工幫李兆基申請公屋，可惜至今還未有回音，李兆基直言希望早日能夠申請到，可以舒緩一下他的經濟壓力。
|
鍾意就快D Share啦！
|
|
|
