由杜如風親自率領嘅$88,888，由初二出發去到日本玩五日，當時大家都好好奇，到底呢個8萬8旅行團有啲咩玩，之前杜如風就話咗畀《蘋果》知有咩玩、有咩食等等，而當中最有趣嘅地方，就係取消咗唔少景點嘅行程，而去咗購物。(詳見： http://bit.ly/2jWb0Bb )而喺今日，呢個8萬8旅行團又有啲特別嘅服務流出咗，因為杜如風喺IG貼咗一條片，就係佢喺旅遊車上面，同一班團友大唱粵曲，睇到佢哋鬼咁開心，仲個個都拎住個電話出嚟拍片，唱唱下杜如風就問佢同行嘅媽媽之後點唱，但係佢媽媽都話唔識，之後就轉另一首粵曲，不過唱咗兩句就冇唱喇。睇嚟8萬8除咗可以豪玩豪食之外，仲可以聽杜如風唱粵曲，一班團友聽得鬼咁開心，杜如風問大家佢唱得掂唔掂嘅時候，一班團友都大叫：「掂啊！」大家又有冇興趣俾8萬8聽歌呢？
來源 source: http://s.nextmedia.com
|
鍾意就快D Share啦！
|
|
|
