歌仔都有得唱「今期流行，流行椎名林檎」，不過講到今期最hit嘅女神，非張曦雯（Kelly）莫屬！作為2012年國際中華小姐冠軍嘅Kelly，自然美貌與智慧集於一身，仲要有玲瓏浮凸身材，同埋43吋超超超長腿，呢個package簡直係無懈可擊！Kelly近排仲喺網上直播打機，索爆素顏任睇之餘，有時仲「貼地」爆粗，份人真性情又girlfriend－able，唔怪得被捧為宅男女神，上位快過搭火箭！
張曦雯搶晒翠如鏡
Kelly同黃翠如近日喺無綫J2台播出嘅中韓合拍劇《7日羅曼史》演出，鏡頭唔算多依然搶晒fo，皆因有個101分package嘅佢做「最強小三」！劇中Kelly偷嗒人夫陳智燊，衣着打扮都幾進擊吓，着上開窿裙性感示人，又着過薄紗睡裙同OL裝，仲要進擊到喺office同陳智燊偷情兼激吻，場面香豔！今次Kelly盡地一鋪，拋棄女神形象，肯性感晒身材又肯做壞女人，難怪一班男網友都大讚佢完全冇得輸！佢哋仲話被Kelly收服，個個唔係想佢做自己女朋友，就係想搵佢做小三，雖然話「識揀—定揀張㬢雯」，但你哋咁大膽講嘢，唔怕畀女朋友/老婆扭耳仔、罰跪玻璃咩，真係曳曳豬呀！
唔同Look一樣正！
一班男網友嫌睇唔夠喉，仲搵番Kelly以前主持節目嘅演出，並嚴選最like嘅三個性感look！第一個就係黑色連身短裙look，網友點評話Kelly包到實一實，反而有更多想像空間，加埋佢晒白滑長腿，問你點頂！第二個就係火辣泳衣look，泳衣上陣嘅Kelly不時烏低身玩水，狂晒深長事業線同豐滿上圍，表情仲要勁誘人，性感程度爆晒燈！最後一個就係旗袍look，突顯Kelly嘅女人味，貼身剪裁仲展現佢嘅身體曲線，一個字「正」！Kelly個個look都咁索，難怪一班網友都心大心細話好難揀，計小編話使咩揀，梗係邊一個look都No.1先係！
網民有話兒：
JaXXXXung：有樣有身材又肯露，張曦雯冇得輸！
XXiuGipMXX：識揀—定揀張㬢雯。
XXXleelin：如果張㬢雯係我女朋友，一定要晚晚瘋狂同佢打機，仲要帶佢出去威，畀人知我有個勁正嘅女朋友，ff下都開心。
WinsonXXX：個個LOOK都正，好難揀！
李X迪12XX：旗袍簡直係無敵，好鬼正！
|
鍾意就快D Share啦！
|
|
|
