9萬蚊，一個收你9萬蚊團費嘅旅行團，你會期待啲乜？1.有僕人服侍
2.專業領隊
3.豪！
4.多景點
5.多嘢食上月29日(年初二)，由杜如風親率嘅日本農曆新年5天團終於出發，20位豪華團友當日一早齊集機場，每位盛惠$88,888。呢個團賣點係乜？係貴！同埋有日本旅遊達人杜如風帶隊食買玩。(新聞連結：http://bit.ly/2kDDi2J )前日杜如風終於返港，大家都擔心佢有冇遇上一啲財大氣粗嘅團友？有冇俾人蝦？有冇蝦碌事發生？係咪去咗好多景點？點解呢五日四夜社交網都冇相？連俾人tag都冇喎！係咪中間發生咗啲事？攰到爆嘅杜如風接受《蘋果》獨家訪問，逐一解答大家問題。1.團友反應滿唔滿意？有冇反枱？
杜如風：我諗OK，超碼冇人反我枱先。去到最後一日大家畀好多掌聲我，我諗對我呢個客席主持都滿意啩。2.呢個$88,888團費本州5天農曆新年團，最後去咗邊度玩？
杜如風：本身好得意，呢個團安排好多觀光地方，反而好少時間去shopping，但團友都想去買嘢，自己最耍家係買嘢，同佢哋商量完，一致通過刪走好多景點，直接去買嘢，見到佢哋買嘢都好開心，即係自己冇揀錯地方帶佢哋去買嘢。3.你俾$88,888原來係杜如風帶你去shopping……仲cut埋行程，真係冇人反枱？
杜如風：一定開心嘅，我仲識咗個奶奶㖭，呢個富貴團本身諗住釣金龜，點知就冇，反而識咗奶奶，佢好幽默，同我性格好似，原來仲係我鄰居住附近，話返港煲湯畀我飲，sweet到爆，所以認咗佢做奶奶，但冇女婿囉。4.收到多唔多貼士？
杜如風：唔算好多，有一封利是好得意寫住「任性」，媽咪話好貼切，大家都笑晒。5.自己有冇大出血？
杜如風笑笑話：如我所料完全一樣，今個行程冇可能買到嘢，媽咪全程企我隔籬，眼神叫我走啦，唔買就最抵，自己趁佢去買水果，偷偷地去專門店買鞋，然後話買畀佢着嘅。6.$88,888團費，每日食啲乜？
杜如風：每餐起碼有15道風味，唔係講笑，我諗已經食咗我半年內要食嘅嘢喇。除咗和牛，仲有龍蝦餐。其中一餐食最出名伊勢龍蝦，每人食咗6隻龍蝦，全部唔同煮法，包括新鮮魚生、湯、炭燒，嘩！唔只厚切，成隻上呀，我諗呢程食咗半年要食嘅飯。
|
鍾意就快D Share啦！
|
|
|
