查看相片
蔡思貝全靠手上的兩個橙來營造逼爆效果。
【東方日報專訊】藝人蔡思貝與張振朗昨日於西環拍攝無綫新劇《踩過界》的落水戲份，蔡思貝以大媽式「臉堅尼」造型示人，胸前更塞兩個橙谷出巨胸，露出事業線，視覺效果非常震撼！
藝人蔡思貝與張振朗昨日開工拍攝劇集《踩過界》的落水戲份，蔡思貝在劇中本身要帶牙套扮哨牙，面上又有刀疤，不過落水戲的造型更重口味！她面戴「臉堅尼」， 穿上白背心及短褲，胸前更塞兩個橙造成激凸效果，谷出事業線，視覺效果令人震驚！
港姐演醜角大突破
蔡思貝笑謂自己要跟上潮流，故戴上大媽至愛的「臉堅尼」，更笑指「臉堅尼」早已登上法國的潮流雜誌，說到她以橙裝假狗，她笑言本身身材已不錯，想好上加好才用橙營造更豐滿效果。談到她在劇中已是醜角，今次更是醜上加醜，可會覺得大犧牲？蔡思貝表示是一種突破：「頭先服裝姐姐都話我港姐嚟㗎，做咩搞到自己咁，但我依家係演員！」她亦坦言起初不接受醜角，現在亦冇自信，張振朗就笑她：「醜角嚟講你係演繹得最好嗰個！」
張振朗攞視帝先認愛
蔡思貝又自爆瘀事，她指落水前有幾個準備下水的動作要拍，在練習動作時不小心跣腳跌落水，搞到濕晒身拍不成！在旁的張振朗揶揄她：「你真係好利害，做十次我笑足十次！」談到有傳洪永城與女友唐詩詠分手，曾與洪永城傳緋聞的蔡思貝就說：「我有留意到呀，假嘅，佢哋一齊去拜年，不知幾恩愛！」而張振朗亦被拍得與緋聞女友陳芷尤拍拖行街，他繼續否認戀情：「嗰日放工喺附近，咪一齊食飯囉！（依家都唔認？）工作為上（攞視帝先認？）如果有機會攞咪認囉！」
文：影視組
來源 source: http://hk.celebrity.yahoo.com
|
鍾意就快D Share啦！
|
|
|
