現年27歲的藝人陳嘉寶（Anjaylia）跟富貴男友黃頌祈（Epaphras）拍拖四年感情穩定，早年在無綫劇《女人俱樂部》中飾演李若彤少女版而人氣急升，再拍《殭》劇時，演藝更大獲好評成為女神之一。由於Anjaylia和男友均是虔誠基督教徒，故拍拖多年保持「有愛無性」關係，Anjaylia更被封為娛圈「處女黨」新成員，相當罕有。
原來係林皓霆
而一向鮮有緋聞的Anjaylia日前卻被發現跟文青男在銅鑼灣書局密會，男方對Anjaylia相當有好感，見書局書迷不多，就不時主動挨埋Anjaylia身，實行一本書兩份睇，期間見兩人更伸手互摸下巴及膊頭，又不了自拍的指定動作，打完一大輪「書釘」後，仍意猶未盡到書局樓上飲下午茶，開開心心對足個幾鐘，原來跟女神約會的正是和她合作出書的模特兒兼Blogger林皓霆（Charles）。
正印陪食好西
Anjaylia身邊突有「新歡」埋身，有消息指守「豬」多年的Epaphras力保女友不失，早前得知她在農曆新年期間，要返廣州跟80多歲高齡的祖母拜年，和家人食完團年飯及拜年後，於大年初二即趕廣州送給女友驚喜，兼見埋Anjaylia的祖母及姑姐等長輩，實行見家人博加分。而Epaphras在廣州陪女友期間，於在社交網上載跟Anjaylia飲咖啡的搞鬼合照，露出勝利笑容的他似有意宣示主權，而Anjaylia為獎勵男友，連日來都相陪食「好西」，兩人拍拖甜到漏。
唔排除閃婚
Anjaylia接受電話訪問時，大讚男友貼心：「係呀，年初二時，佢一個人趕嚟廣州同我阿嫲拜年。（咁孝順攞滿分？）當初都係因為佢孝順，我先同佢開始拍拖。」問拍拖四年可有結婚計劃？她直認男友已「求婚」過百次：「好多次啦，佢成日攞包朱古力或包糖嚟問我嫁畀佢好唔好？我覺得係講笑囉！」不過男友未有送戒指，而她手上的戒指是她自己買畀自己紀念洗禮，只是不少好友誤會這是求婚戒指，問她夢想中的求婚儀式？她說：「冇話特定嘅求婚模式，都係等神嘅安排，或者有一日會突然結婚㗎。」
Anjaylia和Epaphras是基督教徒，問是否要守貞？Anjaylia說：「佢係我第一個男友，同佢都好有呢個堅持。（試過去旅行同房未？）試過，不過我哋好清楚做緊乜，有啲嘢唔發生就唔發生，有啲人就算雷電交加，乾柴烈火都唔會發生嘢，呢個係信念問題。」
神女冇心
問跟Charles的關係？Anjaylia指是相識多年的好友，因自己性格太麻甩，常撩Charles說：「點解你咁靚仔嘅？」搞到Charles以為「神女有心」，她說：「因為我成日同佢講笑，有晚唱K，Charles突然好凝重咁同我講，佢目前想事業為重，唔想拍拖住，佢以為我暗戀佢，笑到我肚攣。」她又指不會因為Charles曾請食檸檬而心存芥蒂，她又上載挨住Charles膊頭的合照，繼續留言大讚：「來帥哥平衡一下了。難得的是大家不約而同的都走在帥氣懷舊搖滾風。是緣分嗎？」更tag了Charles，未知Epaphras會否再打爛醋埕呢？
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
