熱爆娛樂: 【獨家】吳岱融探李婉華鍾淑慧搵周國麟吳凱珊拜年 _

2017年2月6日星期一

【獨家】吳岱融探李婉華鍾淑慧搵周國麟吳凱珊拜年 __,吳岱融,鍾淑慧,李婉華,

其他影片：>>

啱啱講到吳岱融早幾日同埋老婆鍾淑慧去咗溫哥華，吳岱融仲喺個私人晚會上開金口獻唱，好聽之餘仲吸引咗在場賓客爭相集郵。鍾淑慧噚日同《蘋果》講，今次除咗陪老公去溫哥華做騷，仲順便探親兼度假，一舉三得，佢話：「Hugo（吳岱融）妹妹住喺溫哥華，我哋咪去探吓佢哋，呢幾日住喺佢哋度，落住雪個景真係好靚好浪漫，如果唔係咁順便一齊去旅行，真係好難度到時間。」睇番啲相，當地漫天飄雪，無論樹同屋都一片白，而吳岱融仲拎住個雪鏟幫手鏟雪。除咗見吓屋企人，鍾淑慧仲話見咗幾個大台舊老友：「我哋喺嗰邊又探咗李婉華，嗰時婉華第一部拍嘅TVB劇，就係同Hugo合作嘅《玉面飛狐》，我反而同佢喺TVB冇合作，係出咗去拍電影之後合作。仲有係喺溫哥華探咗以前贏咗無綫《新婚夫婦大賽》嘅周國麟同吳凱珊夫婦，我同周國麟以前合作過《K-100》，大家好熟絡，大家見番面真係好開心。」

吳岱融同鍾淑慧趁住農曆年去咗溫哥華同屋企人拜年，仲搵咗李婉華、周國麟敍舊。	吳岱融喺加拿大探下細妹（右二）同家人，鍾淑慧話雪景好靚。
吳岱融仲幫屋企人鏟雪。	兩公婆仲趁有時間探下李婉華（左）。
周國麟（左）吳凱珊（右）夫婦都喺溫哥華住，吳岱融同鍾淑慧都有約時間見面。