影帝吳鎮宇、古天樂孭飛的電影《脫皮爸爸》，早前於「東京電影節」從六百部作品中打入百強角逐主競賽單元，雖然最後未能獲獎，但片中鎮宇由17歲演到79歲，與古仔一段父子情令評審印象深刻，該片去年底於本地上映的優先場，反應亦相當不俗。
為求瀨尿喪飲水
鎮宇演繹79歲腦退化病患者的片段近日曝光，片中鎮宇乏力癱臥於教堂長椅上，未幾手震震「𢱑袋袋」兼失禁瀨尿，又舐又嗅手上的「尿」味，當日適逢鎮宇生日，劇組送上蛋糕為他慶祝，鎮宇搞笑地繼續以老人呆滯樣，跟着節奏拍手，場面惹笑！
談及失禁戲份是否真材實料？鎮宇接受東網訪問時搞笑地說:「飲多啲水就自然失禁，專業演員嘛！哈哈！（咁『𢱑袋袋』呢？)有啲老人家會有皮膚病就會痕，所以投入咗就加入啲小動作，亦做咗幾個版本，唔知最終會用邊個。」又說補戲當日原本沒有古仔戲份，因難以忍受老妝過程，惟有致電古仔臨危受命提早拍攝，故他非常感謝對方能體諒，
又肥又瘦辛苦到喊
鎮宇更不諱言老妝戲份增肥不太困難，但拍攝之時是夏天，每天花十四小時上落妝及拍攝，雖然叫苦連天，但認為是香港人精神：「增到七十幾公斤都係多個肚腩，成80歲老人家眼好dup嘛！咁嗰排咪唔瞓，再飲埋酒就更dup，但係跟住就要喺12日內減廿磅，變成廿幾吋腰、有四塊腹肌嘅後生仔，惟有搵教練地獄式訓練，又戒糖鹽，真係辛苦到喊，又暈又嘔同肌肉痛。（下次唔再拍？）都係拍番後生開心啲，老妝過吓癮就算嘞!」
戲中演其太太的內地女星春夏，原來鎮宇當初並不認識，後來才獲悉她曾與郭富城及白只合作電影《踏血尋梅》，並橫掃幾個頒獎禮影后及新人獎，鎮宇說：「戲入面我哋條感情線好平淡，我覺得呢個女仔幾好，幾清秀呀！」
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
