成日都話香港人好善忘，不過一啲精彩嘅劇集就點都會記住！好似上年全城熱捧嘅無綫劇《幕後玩家》，劇中黃宗澤（Bosco）擁有幸福家庭，點知偷食收埋個「最強小三」劉佩玥，睇到一班觀眾咬牙切齒、恨之入骨，仲封Bosco做「世紀大賤男」𠻹，不過佢最近終於有勁敵
「玩家」＋「賤男」
講緊嘅就係陳山聰，喺熱播劇《乘勝狙擊》中，雖然陳山聰一開始有目的接近傅嘉莉，不過之後動咗真情，仲為咗同對方一齊而決定坦白，正當大家都以為佢哋呢一對會開花結果，又以為陳山聰係一等一嘅「深情男」，點知佢係「玩家」＋「賤男」就真！
激戰莊思敏
日前播出《乘》嘅尾聲，莊思敏突然喺陳山聰屋企出現，仲齋着Bra同恤衫噴血誘惑對方，之後二人喺床上激戰，又錫嘴又玩胸壓同肉搏，突破電視嘅尺度，意識大膽到令人咋舌！最慘嘅係屋內陳山聰攬住莊思敏，屋外唔知情嘅傅嘉莉苦等對方，呢一幕係咪好似曾相識？皆因《幕》都有類似劇情，真係睇到人眼火爆，入晒戲嘅網友仲戥傅嘉莉不值，紛紛留言鬧爆陳山聰係「賤男」，唔識珍惜對方仲要偷食，認真衰到貼地！
傅嘉莉做代替品
正所謂「沒有最賤，只有更賤」，尋晚一集陳山聰又背住傅嘉莉，喺酒店房同「小三」莊思敏調情，點知擦出慾火之際被人打斷，結果陳山聰轉而搵傅嘉莉「撲火」，仲當正印係代替品，同對方激戰時不斷諗起莊思敏。難怪床上畫面香艷，但一班網友睇到好冇癮，因為嬲到睇唔入眼，仲繼續鬧爆陳山聰賤格。
獲讚入形入格
今次全城鬧爆陳山聰，睇嚟佢演「賤男」演得入形入格，所以大家先睇到入晒戲狂鬧。唔少網友仲話估唔到陳山聰咁好戲，大嘆自己走寶，又大讚佢今次好大突破，完全反轉往日正氣形象，演技大有進步，山聰要繼續加油呀！另外，網友亦大讚莊思敏今次做性感「小三」，仲搏到盡演多場床戲，表現令人眼前一亮！
網民有話兒：
XXXpingLI：陳山聰成日做正氣角色，今次做賤男咪幾好，有突破先有進步。
SiewLXXX：好嬲呀！！！點解有豬扒妹仲要搵第二個！！！
KenXXXeung：賤人配賤人，絕配。
XXLLiaXX：莊思敏今次真係豁出去，演得好狂野好姣！
SheXXhen：莊思敏唔適合扮演風塵角色，佢個樣咁良家婦女，好冇說服力喎！
__________________________
想聽歌？想睇MTV？想了解本地Indie Band資訊
快啲click入「聲大夾樂」專頁： http://on.cc/musicon
|
鍾意就快D Share啦！
|
|
|
