掃呢頁CODE去手機

2017年2月4日 星期六

李家鼎鬧爆李錦聯無故抽水:鼎佢滷味 __,李錦聯,李家鼎,

鼎爺(左圖)直斥李錦聯抽水前冇問過佢。藝人李家鼎、金剛、關伊彤及Kawaii到屯門Vcity出席「賀年『口』多福」活動,李家鼎以豬肉作食材,製作名為「福袋」的賀年食品,新鴻基地產代理有限公司租務副總經理孫雅茵小姐試食後更讚口不絕!之後,金剛則與李家鼎、孫雅茵小姐共同炮製「撈起」,祝願今年各人撈到風生水起。斥李錦聯抽水未得准許講到早前李錦聯笑言要與李家鼎合作搞食肆,並把餐廳命名為「鼎李滷味」,李家鼎 ...


鼎爺(左圖)直斥李錦聯抽水前冇問過佢。

藝人李家鼎、金剛、關伊彤及Kawaii到屯門V city出席「賀年『口』多福」活動, 李家鼎以豬肉作食材,製作名為「福袋」的賀年食品,新鴻基地產代理有限公司租務副總經理孫雅茵小姐試食後更讚口不絕!之後,金剛則與李家鼎、孫雅茵小姐共同炮製「撈起」,祝願今年各人撈到風生水起。

斥李錦聯抽水未得准許

講到早前李錦聯笑言要與李家鼎合作搞食肆,並把餐廳命名為「鼎李滷味」,李家鼎聞言謂:「黐線!佢抽我水,嗰日拍嘢,佢話影張相,我冇所謂,點知佢爆啲咁嘢,話咩『鼎李滷味』,我真係『鼎佢滷味』!我唔鍾意,流嘅!(李錦聯想搞笑?)搞笑唔係問題,但我完全唔知,調番轉,你舒唔舒服?大家加埋百幾歲,我話你都唔好意思,如果我知,都唔影相啦,整啲咁嘢,你話你過唔過癮?」

問到會否就此事與李錦聯聯絡?李家鼎說:「算啦,男人嚟嘛!佢嗰日收尾都同我講咗『鼎爺,我抽你水呀,嘻嘻嘻』,算又唔大殺傷力。」

怕搞生意蝕錢

談到會否自己獨資搞飲食生意?李家鼎說:「何來巨款?公司啲嘢唔使做?節目出咗係有好多人搵,傾合作,我個心不嬲都郁,但睇環境點先,做嘢按步就班(自己搞嘅機會大啲?)我對自己搞生意嘅興趣,20巴仙都冇,打和就辛苦,蝕咗仲PK,壓力好大。(有人出資就OK?)諗吓,有得傾。」

唔抗拒與楊思琦合作

問到是否不介意與兒子李泳豪前女友楊思琦合作?他說:「若果公司要咁樣安排,照做,上高嘅安排,我冇法,都要做㗎,我又唔會打爛人飯碗嘅!」

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!