孫慧雪坐D望E 葉翠翠逼爆巨躉
現年34歲的「宅男女神」孫慧雪（雪雪），日前宣布懷孕三個月的喜訊，昨日更在社交網上載自拍照，其34D逼爆上圍目測升級直逼E Cup，充斥着壓迫感，獲網民封為「最性感媽咪」。而同樣在今年生雞B的前港姐葉翠翠，亦自爆下圍升級，連帶健身單車的坐墊都要換加大碼。
「宅男女神」孫慧雪去年年底與圈外男友羅天彥（Edwin Lo）拉埋天窗，今年2月14日情人節更在社交網宣布懷孕三個月，並興奮留言：「這是上天送給我們最好的情人節禮物。」昨日，雪雪已急不及待在網上大晒大肚照，敷住面膜的她穿上運動內衣自拍。除見到她渾圓的肚皮外，最驚為天人是原本32C的她，懷孕後已升至34D的逼爆上圍，現階段似乎再度升cup更推至心口位置，充滿強勁壓迫感。不少網民留言大讚懷孕升cup後的雪雪，身材非常完美，還有網民指雪雪目測已不止34D，封她為「最性感媽咪」，又指她是「孕婦的誘惑」。
胃口不好身照肥
正在養胎的雪雪亦有逐一留言回覆，幽默表示：「敷晒mask，仲有咩誘惑。」又指：「讓我做個紀錄，這是剛搭正三個月的肚肚是這麼個大小，朋友都說算大，我覺得可能加了自己的肉肉，但醫生說小BB比正常size大了一周數，寶寶要繼續健康成長。」
雪雪受訪時承認整個人大了一、兩個碼：「我係由內到外嘅衫都要換過新嘅，因為成個人都大咗一、兩個碼，連褲都要變孕婦褲。依家肥咗十幾磅，希望唔好重咁多，我驚重咁多好難生。」問到會否胃口變大？雪雪指懷孕後胃口不太好：「我食嘢少咗，因為覺得個胃有嘢頂住頂住，不過都有好均衡嘅正常飲食。」
健身單車要換墊
而另一位準媽媽葉翠翠，現佗有六個月身孕，同時亦有「升級」問題，但她卻是下圍暴升，連健身單車的坐墊都要加大碼配合，認真誇張。翠翠昨日在網上發文自爆：「懷孕時做運動要視乎自己的體力，不要過量，我一般做60至75分鐘（慢速），而現在的pat pat大咗，所以換了座位更大的健身單車。」翠翠受訪時表示，孕婦下圍升級實屬正常：「下盤變大係正常，咁上圍都有啲，依家重咗17磅，雖然冇度過下圍大咗幾多，但感覺到個人重咗，所以坐落部健身單車度都有啲辛苦，換咗個位坐得舒服啲。」她又補充懷孕後一直有睇中醫，所以水腫情況不嚴重：「水腫都有少少，一直都有睇中醫情況會好好多，除非真係企好耐、行好耐隻腳就會腫，我都會睇住重量，Check住磅數，唔會畀自己重太多。（自然分娩？）我揀咗開刀！」
文：專案組
|
鍾意就快D Share啦！
|
|
|