天王郭富城（城城）出席「浪琴表香港馬術大師賽」2017，以品牌優雅形象大使亮相的城城表示已連續五年為賽事擔任頒獎嘉賓，同時成為品牌大使12年，並稱來到現場亦會想起自己已退役的愛驅，因其愛驅是因受傷而退役，所以有入紙申請買馬優先權，現正物色馬匹，笑言budget愈平愈好，但血統優良的馬匹需八位數字，即使基本budget亦需300至400萬。
城城談及其女友方媛日前在社交網站甫了一張疑似肚凸凸的相片，方媛還說自己出現「小變化」而惹來大肚疑雲，問到是否真懷孕及「小變化」所指是甚麼？城城微笑說：「佢自己係微博都有講返解釋番，大家知發生咩事，大家關心我而敏感咗。（咁係咪懷孕？）佢自己講咗係腸胃不舒服，瘦咗幾公斤，其實佢過咗新年要做嘢，自己都想減肥，所以佢係開心嘅，佢同自己啲粉絲講番話有冇覺得佢有啲唔同咗。」
城城續表示因上年已達50歲，一直以來為工作奮鬥，現時是時候想一下人生規劃：「我自己都講咗，最重要係我嘅工作，喺工作上會比較自私，做歌手、係電影上全情投入，我咁努力都係希望達到自己想要嘅夢想、成就，默默耕耘，最後得到金像獎獎項，係過去10年有得有失過，唔係我計劃之內，但我不斷努力係為咗證明我嘅努力冇白費，多謝金像獎評審睇到我嘅努力，係天時地利人和，我攞獎時剛好係自己踏入50歲，而媽媽年紀大啦，開始要諗吓自己人生計劃係乜嘢，所以我會珍惜依家嘅女朋友，好好愛護、了解、包容對方。」
再問城城聽到方媛懷孕時是否很開心？他說：「我會笑，估唔到大家咁敏感。（有冇諗點解你未知？）我覺得原因係我自己係適當年紀。（唔係懷孕有冇失望？）唔好講BB。（媽咪好失望？）我媽媽好少睇新聞，只係會叫我返屋企食飯、飲湯，同埋我見到媽媽由唔需要用拐杖到要揸拐杖，我覺得好心痛，所以要開始計劃將來，日後某一個時間安排好晒啲工作，依家拍孫悟空拍到死死下，媽媽冇催我。」又透露情人節當天因工作關係而未能跟女友度過，幸好現時資訊發達，自己經常跟女友保持良好溝通。
|
鍾意就快D Share啦！
|
|
|