張秀文憂老公變質：寧願要鑽石！
兩位「無綫咪神」張秀文與高海寧前晚在灣仔會展出席《第34屆香港國際珠寶展》的「珠寶之夜」晚宴。穿桃紅色Tube Dress的張秀文，戴住總值300萬的珍珠戒指、耳環和頸鏈亮相。問到要樓還是要珠寶？張秀文坦言難揀：「都要睇個市係點！依家樓價摸頂，所以呢個Moment（時刻）我揀珠寶。」她透露之前媽媽有為她買定龍鳳鈪，但因胞姊率先嫁人而轉贈給對方：「我唔急，女仔擺吓都可以好矜貴，最緊要揀啱人，如果嫁咗畀個老公但佢之後變質，咁我就寧願要鑽石喇！」
高海寧講心唔講鑽石
至於高海寧則戴住價值1,200萬的白金粉紅寶石戒指、耳環和頸鏈，她坦言未曾買鑽飾送畀自己，但以前在南非採訪時有買鑽石孝敬母親：「買咗半卡，都要兩萬蚊！（婚戒都要你手上嗰隻咁大粒石？）又唔使，講心意嘅，最緊要個對象。（冇石都得？）咁要睇求婚時有冇心思喇！」
此外，藝人黃伊汶、「鐘錶大王」孫秉樞與細仔孫大豪、沈慧林等昨日出席香港國際珠寶展「鐘表廊」派對，黃伊汶表示十分忙碌，大呻做全能現代女性需要時間同心機。問到囝囝陳真有否投訴？她說：「佢未識講嘢，我自己唔想喺小朋友面前用手機，但我要用嚟做嘢，睇Email，唔想佢有樣學樣，咁我就會出怪招用本書夾住電話收埋，令佢以為媽咪睇書。」
孫秉樞的孫仔孫智威與前港姐龐卓欣拍拖，感情穩定，問到孫秉樞何時飲孫新抱茶？他說：「年輕人，做父母唔點講，最緊要佢自己點諗，佢大學畢業兩年，未有工作基礎，慢慢先。」
來源 source: http://orientaldaily.on.cc
|
鍾意就快D Share啦！
|
|
|
