張兆輝阿女好高大，12歲就5呎6吋！
藝人張兆輝被拍得拖「嫩女」放狗兼互餵雪糕，但原來該「嫩女」是張兆輝的掌上明珠張卓姿（Twiggy），緋聞一事只是一場美麗的誤會！
張兆輝事後接受電話訪問不禁笑說：「都聽到有人話我近日公然拖女嘞，咁我個女又生得高大，成5呎6吋，難怪惹人誤會，但其實佢今年得12歲咋！（咁有星味，畀佢入行？）我成日同一對仔女講，無論做乜嘢都好，首要係讀好書先，唔好似爸爸咁讀得書少。如果我有我個仔英文咁好嘅話，我走去拍荷里活電影啦。」
據悉，對藝術方面比較有興趣的卓姿，明年將到英國升學，未來有可能入行承繼爸爸的衣缽。自言會是呷醋外父的張兆輝笑謂：「好彩我個女話拍拖嘅嘢遲啲先講，佢咁有分寸，即使唔喺身邊，我都唔擔心。（接受佢嫁外國人？）嫁乜人佢鍾意啦，但要有事業、經濟基礎先得，拍拖要帶返屋企畀我睇吓先，話晒我閲人無數。佢喺娘家畀我捧起手心，梗希望佢嫁得幸福，一生無憂啦。」
原來除了卓姿天姿獨厚外，張兆輝的長子17歲已有6呎4吋高，志願是當飛機師，張家可謂一門兩傑！
來源 source: http://hk.on.cc
|
鍾意就快D Share啦！
|
|
|
