掃呢頁CODE去手機

2017年4月10日 星期一

【劉鑾雄講大劉(15)】換腎死過翻生 大劉悟生死:我搵多幾多,都唔會使得到㗎喇 __,劉鑾雄講大劉,劉鑾雄,大劉,

「嗰次換腎,竟然有人同我講,你死咗啲錢都帶唔走,叫我捐7,800萬加拿大紙,去加拿大一家佛堂。我心諗,第一,我有仔女;第二,我喺香港都好多善事可以做啦 ...


「嗰次換腎,竟然有人同我講,你死咗啲錢都帶唔走,叫我捐7,800萬加拿大紙,去加拿大一家佛堂。我心諗,第一,我有仔女;第二,我喺香港都好多善事可以做啦,但竟然溫哥華有人過嚟諗住叫我捐7,800萬加拿大紙,你聽見好唔好笑?佢諗住你就嚟死,意志唔得,可能就會:『好啦,搵人幫我簽個名』可能佢咁樣諗啦。」「所以呢方面我哋開始學習,開始知道點樣防範啲人埋嚟。大把呢啲咁嘅人。發夢冇咁早」【阿媽帶個女登門求照顧】

劉鑾雄憶述大劉早前接受換腎手術期間,遇到的光怪陸離事。其實有啲仲好笑。都係同錢有關。「日日都有人喺福臨門等我、喺公司等我。」做咩呢?求職,或應徵做「傍友」。此時大劉又爆出另一金句:「好多人鍾意有『傍友』。『傍友』係全世界最大嘅工業。(你身邊有冇?)梗係冇大佬,我哋呢啲都算係精甩尾㗎喇,點會俾人哋傍吖?」講番喺福臨門等大劉。原來有人更猛:「不知幾多人寫信嚟,或者阿媽帶埋個女嚟,想我去照顧佢個女喎!」大劉做咗一個「冇你咁好氣」的表情:「望都唔敢望聽都唔想聽莫講唔敢有貪念,有都唔夠膽點知你係咪捉黃腳雞㗎!呢啲咁基本動作,我哋行走江湖咁耐,唔係咁都唔清楚嘛?如果俾人咁樣屈你強姦,係一個笑話嚟㗎嘛!」笑完講番正經。大劉接受換腎手術前,也真是命懸一線。只是差兩天。差兩天再不做手術,生命就有危險。那段時間,大劉亦確實已安排了後事。【「可能我兩三個月內就會死」】

「第一,覺得身邊有邊啲人要照顧,邊啲人要take care,咁就盡量做啦,好似我曾經匯過二、三百萬美金俾New York一個廿幾年冇見嘅朋友;又匯咗百五萬去L.A.,俾一個廿幾年冇見嘅朋友。當時佢都有照顧我,依家唔知佢生活環境點樣,你明我意思嗎?喺美國如果突然有百幾萬美金就好好用㗎啦。當年佢哋都照顧得我好好。我都要照顧番人哋。」「第二,可能話……我會捱唔住,可能我兩三個月內就會死。咁你係咪要講定身後事?我同我老婆(甘比)講,話就算我唔喺度,有邊啲人搵你幫手,你都要幫。」邊啲人呢?包括大劉發跡前一起開廠的拍檔,原來數月前大劉還跟他承諾:「你出聲,我一定會幫你;你啲仔女要幫,我都一定會幫。因為我仲念念不忘,佢曾周轉過兩三次嘅錢,嚟幫手出糧。唔係捱過嗰兩三次呢,可能間廠已經執咗笠。」得人恩果千年記。華置月初宣佈大劉將股權轉讓時,曾稱大劉健康極為不穩。此訪問於發聲明前近一個月進行,當時大劉精神不俗,又稱已逐步開始做運動,也不大用枴仗借力,中氣亦好好多,他笑言:「試過有一次12點講嘢講到夜晚九點半冇停過。」作息時間亦改變了,以前是夜貓子,現在晚上十一點半睇完新聞就瞓,早上七點半至八時起身,然後返華置。【用多啲時間陪屋企人】

接受換腎手術後的大劉,可想過再創事業高峰?他說:「我唔知,亦唔敢講,因為健康先至行第一;第二,我依家用多啲時間陪屋企人,多過我去搵錢。因為無論我搵多幾多,或者我搵少幾多,我都唔會使得到㗎喇。」現時大劉每日最少抽一次血,監察住自己身體狀況,在家中會有傭人24小時看護他,現時他的身體狀況還算可以。「四十幾年前冇錢,真係遇佛弒佛,遇父刺父,都要做。今日嚟講,人喺死亡邊緣,你會更加珍惜自己健康。」統籌、採訪:陳月媚

攝影:陳俊強

攝錄:NEO、馮嘉銘、吉吉【劉鑾雄講大劉(1)】

獨家 千億富豪劉鑾雄 24歲問家傭借錢入院割膽

http://bit.ly/2ngVqNq【劉鑾雄講大劉(2)】

走過三輪水貨 「風扇劉」血淚史:唔夠半年已經冇錢出糧

http://bit.ly/2obalOj【劉鑾雄講大劉(3)】

遭猶太人出賣 大劉:我係廢柴中嘅廢柴,懵炳中嘅懵炳!

http://bit.ly/2mPTGzh【劉鑾雄講大劉(4)】家道中落 老父開廠俾人呃晒 大劉10歲前冇床瞓

http://bit.ly/2nr56WG【劉鑾雄講大劉(5)】大劉親剖與父關係:初則口角,繼而動武

http://bit.ly/2on7WQC【劉鑾雄講大劉(6)】聘福臨門廚師為家廚 大劉狠批昔日飯堂:依家唔啱胃口!

http://bit.ly/2oLevsv【劉鑾雄講大劉(7)】保鑣變毛巾黨 大劉驚握手:啲男人小完便唔洗手!

http://bit.ly/2oBDr69【劉鑾雄講大劉(8)】渣甸山大業主帶鎚仔收樓:扑爛咗,再做過!

http://bit.ly/2nzVt76【劉鑾雄講大劉(9)】大劉鬧廢青:叫佢咪去旅行?仲慘過殺佢老竇老母!

http://bit.ly/2oBFA51【劉鑾雄講大劉(10)】出手太狠跌200億 大劉:我點會唔怕輸!

http://bit.ly/2p4k31h【劉鑾雄講大劉(11)】首開腔為供股集資解畫 大劉:每次狙擊都係被迫

http://bit.ly/2nSgPh2【劉鑾雄講大劉(12)】股民爭買窩輪牛熊證覺「抵賭」 大劉譏:啲人冇腦吖嘛!

http://bit.ly/2nL2CBy【劉鑾雄講大劉(13)】花逾200億收購珍藏 大劉終於遇上一生最愛

http://bit.ly/2nqQv1A【劉鑾雄講大劉(14)】日日同款藍色Polo恤 大劉一季置裝費幾百萬

http://bit.ly/2olNm2l【Timeline】手機用戶請按此,瀏覽「傳奇狙擊手劉鑾雄」: http://bit.ly/LAU-timeline

換腎前大劉需要用拐杖及甘比扶實(資料圖片) (資料圖片)
(資料圖片) 換腎後大劉愈見精神(資料圖片) (資料圖片)
接受訪問時更明顯發福不少

來源 source: http://s.nextmedia.com
鍾意就快D Share啦!