曾幾何時，福臨門是大劉一家的「飯堂」，曾有報道指，大劉每年在福臨門消費約四百萬元，每日平均吃一萬元。自患糖尿後，大劉口味轉清淡，菜式少6成鹹度、少7成糖份，更轉場到半島嘉麟樓、中環唐人館用膳。以為大劉已經捨棄福臨門？錯。大劉是將福臨門廚師「私有化」，聘請做家廚。【廚師通病：識煮唔識試】
大劉日前接受《蘋果》獨家訪——劉鑾雄講大劉，他說：「係佢哋（廚師）離開咗之後，未搵到嘢做，請佢哋返嚟，唔想佢哋廚藝失傳。」又狠評現在福臨門質素下降：「以前都有8、90分，依家唔啱胃口。」「好多廚師都有個通病，百分之一千都唔試食物，都係識煮唔識試，同埋佢哋都唔識食，佢哋嘅習慣令佢哋永遠去唔到最perfect境界。」付得起錢，也要識食。出名要求高、樣樣都要最好的大劉，對飲食極講究，更自封是「專家中的專家」，他說：「中菜、西菜我都識煮，你（即大劉本人）出去讀書，唔係依家環境咁好，唔通你日日出去食西餐、酒樓同九大簋咩？都係自己煮。」「初初跟廚房工人睇下學下，到11、2歲已經好識煮餸。我食飯時間唔正常，有時兩、三點，有時三、四點，初初可能搵啲凍飯、打啲雞蛋落去，再加啲豉油、魚露炒炒下，結果越炒越純熟。」【後生追女仔靠煮餸】
大劉年輕時愛下廚，但後來忙於為事業打拼，故近40年內，只落過兩、三次廚。問到有甚麼撚手小菜？平時無話不談的大劉卻說：「唔方便講。以前追女仔就係靠煮餸，真係好叻，同好好食，同埋有興趣，自己鍾意食，自己有心機煮。煮餸其實最緊要用心，做乜，做生意都係用心。」愛在家開餐的大劉，家常便飯會有十幾個餸：「如果請客，就有兩、三個餸，乜嘢餸都有，好似鹹牛脷、牛仔骨呀、中式牛柳。我鍾意食唔同嘅嘢，唔係淨係食貴嘢，反而魚翅、鮑魚、寮參我就普普通通，請客用，我自己麻麻哋。」大劉亦嗜甜，喜愛各式中西甜品，包括Zoë Cake，該店亦特別為大劉調配減糖口味。近數月大劉因糖尿問題，已經戒吃，但仍會幫襯，會來送給深水埗區的小朋友。
統籌、採訪：陳月媚
攝影：陳俊強
攝錄：NEO、馮嘉銘、吉吉【劉鑾雄講大劉（1）】
獨家 千億富豪劉鑾雄 24歲問家傭借錢入院割膽
http://bit.ly/2ngVqNq【劉鑾雄講大劉（2）】
走過三輪水貨 「風扇劉」血淚史：唔夠半年已經冇錢出糧
http://bit.ly/2obalOj【劉鑾雄講大劉（3）】
遭猶太人出賣 大劉：我係廢柴中嘅廢柴，懵炳中嘅懵炳！
http://bit.ly/2mPTGzh【劉鑾雄講大劉（4）】家道中落 老父開廠俾人呃晒 大劉10歲前冇床瞓
http://bit.ly/2nr56WG【劉鑾雄講大劉（5）】大劉親剖與父關係：初則口角，繼而動武
http://bit.ly/2on7WQC
【Timeline】手機用戶請按此，瀏覽「傳奇狙擊手劉鑾雄」: http://bit.ly/LAU-timeline
|
鍾意就快D Share啦！
|
|
|
