康華因為頭飾及戲服太重，搞到肩頸肌肉炎。
藝人康華於無綫劇《宮心計2深宮計》演出時，卻因頭飾及戲服太重，加上長時間站立拍攝而疲累不已，康華終於頂不住，日前她肩頸肌肉發炎，痛得要由工作人員陪同下，到醫院求診。
肩頸肌肉發炎
在《深宮計》中演四司之一的康華，昨日受訪表示經醫生為她針炙了發炎位置後，痛的位置已舒緩了：「因為拍攝要長時間企，頭飾好重，導致肩頸位負荷唔到，致肌肉發炎，但劇組工作人員好好，知我辛苦頂唔住，即刻陪我去睇醫生！」經醫生診斷後，指康華是急性肌肉發炎，康華謂：「喺肩頸位針灸，舒緩咗好多，依家係中西合璧醫治，消炎止痛！」
髮髻達數十磅
《深宮計》為配合朝代服飾，髮髻大而重再加埋頭飾，分分鐘達數十磅，但因為配襯效果很漂亮，再加上監製梅小青對劇本的認真，不少劇中女演員都願意頂硬上，康華謂：「雖然辛苦，但拍出嚟效果好靚，唔介意嘅！」不過，前晚一場監獄戲不用戴重頭飾，演出的康華、張文慈和謝雪心都大嘆舒服不己，康華笑言想「終生監禁」：「唔使着咁多戲服箍住個身，又冇頭飾，成個人輕晒，所以我哋搞笑話希望終身監禁！」
來源 source: http://hk.on.cc
|
鍾意就快D Share啦！
|
|
|
