「燈神」嘅蕭若元噚日拍咗條片，條片嘅內容係佢睇完吳綺莉個記者會之後嘅感受。蕭若元於片中，怒轟成龍，指對方早前爆自己有十億身家，已經寫好遺囑，一半留俾林鳳嬌同房祖名，一半就要用嚟做慈善基金，又話要救中國老虎，但面對吳綺莉兩母女，成龍卻表明一毫子都唔會幫。蕭若元話﹕「講咩善事，自己個女，成龍你60幾歲人，大家知就有個房祖名，即係唔會再有女啦。一世人得一個女，而你話斗零都唔俾佢，呢個係人渣之友。」而吳綺莉好友「大姐明」林建明亦有轉載蕭若元呢條片。(新聞連結： http://bit.ly/2nHO4EA )今晚向太到金鐘出席活動時，力撐成龍，又反擊蕭若元謂：「唔使咁樣話人嘅。如果係佢喺出面生個女，本身佢話唔理唔俾人哋生。換著佢係成龍，佢會點做呢？唔好亂咁鬧人係人渣，將心比心。嬌姐(林鳳嬌)都做咗成龍背後女人幾十年，成龍絕對唔係人渣，佢有情有義。」
來源 source: http://s.nextmedia.com
|
鍾意就快D Share啦！
|
|
|
