周潤發到醫院探媽咪，被集郵，大顯親民。
國際影星周潤發於下午一時五十分步出養和醫院，戴上黑超及Cap帽的他以一身行山Look現身。問探望誰？他說：「媽咪 （冇事嗎？）冇事，循例身體檢查。（之後去行山？）咁熱，唔行啦，今朝行咗喇！」及後周潤發有善地向記者道別，然後往停車場取車。
此時，一對剛誕下初新嬰兒的夫婦認出周潤發，第一時間要求selfie，在醫院被捕獲的周潤發以一貫親民作風，手拿相機自拍了多張照片，還對着初生嬰兒說「小春雞」，冧爆！
據悉，發媽陳麗芳已經96歲，一向身體很好，說話依然鏗鏘有力。周潤發是出名孝順仔，早前他接受東網訪問時曾表白：「媽咪生你係佢最危險嘅時候，其實你生日係應該同媽咪去慶祝，唔應該你慶祝，幸運地你媽咪生咗你而佢冇死到，你應該同媽咪分享，唔應該媽咪拎個蛋糕叫你吹蠟燭，應該係你感謝媽咪，多謝你咁辛苦生咗我！」
來源 source: http://hk.on.cc
|
鍾意就快D Share啦！
|
|
|