掃呢頁CODE去手機

2017年4月8日 星期六

【鏡頭背後】紀實求真非政治化妝 ATUM評曾俊華:佢有能力當攝影師透明 __,曾俊華,

特首選舉塵埃落定,時代負責向前走,而影像卻專注於停留。前財政司司長曾俊華的競選工作極為成功,除了宣傳工作用盡新媒體優勢,鏡頭下的「薯片叔叔」亦獲不少港 ...


特首選舉塵埃落定,時代負責向前走,而影像卻專注於停留。前財政司司長曾俊華的競選工作極為成功,除了宣傳工作用盡新媒體優勢,鏡頭下的「薯片叔叔」亦獲不少港人大讚真誠,印證政治人物不是千人一面。幕後功臣攝影團隊「ATUM Images」經常獲讚「神級攝影」,拍下的一切是政治化妝或真情流露?就由攝影師親身剖白。記者:黃翠儀2017年1月19日曾俊華宣佈參選,ATUM的工作亦正式展開,參與拍攝的成員有郭浩忠(Billy)、關學津(Anthony)、林亦非、羅國輝和吳煒豪,在67日間「stand by」,務求以紀實攝影角度呈現候選人真實一面。阿非多次強調,全程是紀實而非新聞攝影或單純商業攝影,因兩個多月來除了個人硬照以外,每一張照片均不經刪剪、鋪排,「好多人問我哋成個競選過程有無預先去睇場、度位,無呀我哋完全唔做呢啲野,好憑反應去觀察」,事實上群眾的反應亦難以預計,他笑言「我哋唔會話預先10個鐘去等」。接下工作之前,Billy坦言成員間曾有猶疑,「本身作為一個攝影記者,對於競選活動可能角色係有衝突」,令攝影師們有信心的最大關鍵,阿非回想是未合作前和競選辦開會,有廣告公司成員建議「擺大字」(造型為團結、信任、希望),惟另有年輕成員卻憂慮,「一個建制政治人物,你落區去擺呢啲野,會唔會引人示威、拆咗你個字呀?」一個資深的前政務官反而表示,「如果落區唔係聽巿民心聲,乜嘢都怕,做乜要落區?」競選辦的態度令人眼前一亮,「你好難想像一個係政府出嚟嘅人,或者大家呢幾年政府官員印象,原來佢可以咁開放、咁願意聽人地聲音。」那次會後ATUM認為,「我地哋覺得好值得去做呢件事。」信任、溝通說來抽象,還是要靠行動說服一眾年輕人。阿非形容曾俊華很聰明並相信專業,「佢有能力當攝影師透明」。他提到一次在攝影棚拍照作人形紙牌用,曾生在早上已跑了四個行程,而且中午預留一個小時拍照後尚有一堆工作,但完成拍攝後卻未有立刻趕去休息或用膳,「佢反而留低同我地討論香港嘅攝影界、影樓、商攝影前途、生意狀況,又講佢當年喺美國讀大學,佢都有影相會自己沖菲林」。鏡頭以外,攝影師總會看得更清晰,「佢畀你睇到其實佢真係願意用自己嘅時間,尤其是當佢係一個好忙好辛苦嘅競選時刻,同人去交流同人去溝通」,候選人的一言一行令他們覺得,「嗰啲唔係口號嚟囉,佢真係去表現到出嚟」,亦正正解釋為何整個團隊比其他團隊形更齊心及更有信念。對攝影師而言,這段日子絕對屬於近年的歷史時刻。阿非舉例巴士巡遊當日來到時代廣場一站,他站在遠方天台上拍攝,曾俊華上車時被巿民包圍,便停在車門前向巿民揮手,「呢個場面係香港好耐好耐冇見過,我有印象咁嘅場面,(最近期)可能係我係緬甸影昂山素姬軟禁獲釋之後參加公眾場合」。他續指,香港回歸之後,「有邊一個政治人物無論咩黨派主張都好,佢出去會有咁多人圍住佢,想同佢影相握手?個反應係咁好其實真係好耐冇見過。」不過美夢最終未有成真,會否留下遺憾? 林亦非認為,選舉會為之後的香港帶來影響,而對他自己和香港人來說,對一個特首候選人、對選舉工程的期望,「其實同之前已經完全唔同晒」, 而要令歷史出現轉捩點,無論哪一代的人都不能缺乏想像,「最重要係有人因為今次發夢而有追求……當一啲人對事情有渴望有追求,就係改變嘅開始。」 想像一個不同的未來,似在提醒香港人,夢醒,但故事未完。

ATUM攝影作品。 (左起)ATUM攝影師林亦非、郭浩忠(Billy)、關學津(Anthony),強調在曾俊華競選期間,以紀實攝影角度呈現候選人真實一面,每張照片公開前不需「審查」。(夏家朗攝) 林亦非提到巴士巡遊當日,群眾有何反應其實無從預計,一切要待事件發生才能按下快門。(ATUM攝影作品)
ATUM攝影作品。 ATUM攝影作品。 ATUM攝影作品。
ATUM攝影作品。 ATUM攝影作品。

來源 source: http://s.nextmedia.com
鍾意就快D Share啦!