(新增內容)資深電視藝員曾守明日前在廣州登台時猝死，享年58歲。昨晚《東張西望》報道有關曾守明離逝消息，在主播台做直播的陳庭欣，在開場時，講了一段關於兩人住事，禁不住落淚，一度停頓半秒才能繼續說話。她說：「我哋一班《平安谷》演員，過去幾個月都一齊開工，我對佢有一份遺憾...因為我哋住得附近，間常會去同一餐廳撞到，上一次佢請我食飯，我話下次約出嚟食飯我請...但...o依家冇咁嘅機會。」陳庭欣今日接受傳媒訪問仍難掩傷痛，她說﹕「大家都好難過，每次要報道唔開心嘅死訊其實都會心情低落，今次報導嘅仲要係守明哥，我知道我應該要專業啲。。。。。。希望守明哥一路好走，佢嘅家人節哀順變。」另外，節目訪問了同行的好友歐瑞偉和鄭家生，兩人講述曾守明猝死的經過都忍不住哽咽。歐瑞偉說：「當時幫佢影緊相，明明係台上唱緊歌但冇聲，下一刻已經係砰一聲，見到佢成個人攤喺度。」鄭家生指當時身在後台，亦聽到一聲巨響，他透露曾守明被扶下台時已無脈搏，有人嘗試為他人工呼吸，多次喚醒曾守明但不果，二人坦言感到無助，歐瑞偉說：「大家幾十年老友，就咁攤咗係你面前，自己咩都做唔到，我哋唔係醫生，只係做到幾多得幾多。」而曾守明在圈中人緣甚佳，與他共事多年的藝人圈朋友無不嘆息，陳煒、吳家樂憶起故友亦雙眼泛紅。而曾守明太太亦有接受電話訪問，曾太透露曾守明遺體將於周三(明天)送返香港，她說：「「最近冇聽佢有唔舒服，有食藥，完全冇先兆，亦冇捱夜或拍得好辛苦。(曾守明有咩遺願？)佢想個仔...阿仔今年中學文憑會考，佢想個仔讀好書，想佢入紀律部隊，仲有諗過屋企裝修同一齊去旅行，至於佢自己仲係好熱愛演藝，拍一套自己嘅代表作。」此外，曾守明原本有份演出的新劇《大帥哥》，其角色將由杜大偉接替。
| 陳庭欣昨晚報道曾守明離逝消息，在主播台眼泛淚光。(無綫電視截圖) | | |
| | | |
| | | |
| |
|
鍾意就快D Share啦！
|
|
|
