【新增內容】27歲「邦民女」陳嘉寶（Anjaylia）同半億身家嘅圈外男友黃頌祈（Epaphras）都係虔誠基督徒，佢哋拍拖多年保持有愛冇性嘅關係，但男友好進擊，不時求婚，早前有報道話男友求婚成功，有指陳嘉寶婚期定於11月，當時佢回應傳媒就話自己有喜訊會自己公佈( 新聞連結：http://bit.ly/2pfP0mB )，而《蘋果》亦影到佢今年2月見家長兼孖男友去睇裙褂(新聞連結：http://bit.ly/2oFpNhe)。今日Anjaylia真係兌現承諾，喺facebook公佈喜訊，佢以「We love because he first loved us.」做標題，然後留言話：「感謝神。為着衪對我們的愛感恩，也感恩衪以愛把我們連結在一起。Epaphras是我人生中的第一段愛情，我們在教會相遇、相識、相知、相愛，迄今已經超過了四個年頭。這段日子裏，除了感恩神愛，也感謝我們的家人、好友、教會裏的弟兄姊妹、我可愛的粉絲們和傳媒朋友的支持、照顧和祝福。今天，很高興的跟大家宣布我們已經準備好要步入人生中的另一個階段了～與此同時，接下來我們都要各自繼續努力，在自己的工作岡位和夢想途上奮鬥，同時為大日子作好準備。大家的祝福就先行笑納，如若未能逐個回覆懇請見諒，祝福大家。」Anjaylia回覆傳媒時只話：「謝謝祝福，今天傍晚時分會出席活動，到時再跟大家分享吧。」身為Anjaylia嘅好姊妹陳凱琳，佢回覆傳媒時就話：「I'm so happy for her!」問到佢會唔會做姊妹？陳凱琳話：「planning 中。（幾時到你？）Haha not yet ~」
|
鍾意就快D Share啦！
|
|
|
