成龍話冇唔開心！
吳綺莉早前因女兒卓林報警而被扣查，吳綺莉早前曾開記者會交代事件，成龍於澳門出席《第21屆Channel [V]全球華語榜中榜暨亞洲影響力大典》時，首度開腔回應此事，他指不看八卦新聞，所以少好多煩惱。
唔睇八卦新聞
提到好友陳嵐出席活動時開腔力撐他有情有義，他說：「多謝你哋。（冇睇最近新聞？）唔睇，唔想講，唔睇八卦新聞，以前睇好多煩惱，依家唔睇少好多煩惱，一心做好電影。」期間司儀多番阻撓記者發問。再問到可有因這些新聞而不開心？成龍說：「唔會喎，我個人仲有咩唔開心，仲想要咩？（因爲重提舊事？）一世都係咁，永遠都會係咁。」再講到陳嵐指他曾被勒索？他說了句多謝便離開，但離開時再轉身對記者說：「我依家冇咩唔開心，奧斯卡都攞咗，仲有咩唔開心。」
新片九月上映
提到他位於清水灣的「大哥片場」被指有僭建迹象，涉違反建築物條例，他指已交給律師處理：「根本小題大做，呢啲我交咗畀律師。因為我長期唔喺香港，有時借咗畀人拍嘢，我唔知佢拍咗啲咩，我知呢件事，我哋一定會照法律去做。我好少喺香港拍，盡量可以返都返香港拍，但有時香港冇咁多布景，有啲藍布景、綠布景我都盡量返嚟拍。」講到新作品，他透露《英倫對決》將於9月上映，而10月就會到美國的沙漠拍新的武打片。再被問到為何帶熊貓公仔來，他說：「這個跟我很多年，本來我講5年後拿來拍賣，現在7年過去，我不捨得，因為他跟我全世界跑，但總有一天我會拿出來拍賣的。」
來源 source: http://hk.on.cc
|
鍾意就快D Share啦！
|
|
|