掃呢頁CODE去手機

2017年4月3日 星期一

【硬搶人夫?】已故黃霑舊情被翻 女兒黃宇詩﹕我覺得好愧疚父母 __,黃霑,黃宇詩,

黃宇詩與一間測量公司董事Peter相戀5年,有指男方是有家室之人,育有兩女一子,黃宇詩一直被指責做人第三者(連結新聞﹕http://bit.ly/2o ...


黃宇詩與一間測量公司董事Peter相戀5年,有指男方是有家室之人,育有兩女一子,黃宇詩一直被指責做人第三者(連結新聞﹕http://bit.ly/2osbq4m)。今日黃宇詩接受《蘋果》電話訪問作出終極反駁,詳述兩人由曖眛關係——正式追求——決絕斬纜——重修舊好的經過,希望坦白一次,能解開大家對佢多年嚟誤解……黃宇詩話:「一路以嚟冇詳細講過任何事情,一嚟唔鍾意分享私人事,二嚟會涉及到我男友Peter嘅私人事,所以我一路都唔會講任何細節,由於呢單新聞(今日周刊報導)都幾嚴重,多年後又炒作,其實係影響緊我聲譽,有兩點想澄清。第一,我同Peter一齊時,佢已同前妻分開咗大概一年,佢的確係分居時追求緊我,但《蘋果》影到出街,當時我已好決絕去劃清界線,亦唔想再同呢個人有聯絡,我認我係對呢個人有好感,佢亦繼續有追求,我諗咗好耐,考慮咗好耐先同佢開始,而幾年前,Peter正式同佢前妻離咗婚o架嘞!呢一點唔想再背負莫須有罪名,我係必須、必須、必須要澄清嘅,我哋雙方認識時,我係好清楚佢嘅背景,佢從冇講過大話,我亦都好清晰,醞釀咗好耐,我再三考慮咗好耐先決定開唔開始呢段關係。另外,佢架車係Peter一位女性朋友(陳小姐),佢呢個朋友我都相識,呢個朋友借架車畀佢,完全唔係佢前妻。」黃宇詩話現在主力做內衣生意,間中才會接司儀工作,今次肯出作出回應,因為佢覺得愧對父母。宇詩話:「咁多年嚟冒住呢個(小三)罪名,一開始以為花邊新聞啫,唔會覺有需要講咁detail,以為過一排冇嘢,但咁多年後再講,我就覺得真係好需要澄清細節,等大家唔好再誤會我嘞!而最唔開心係連我過身嘅Daddy(黃霑),都要摷番出嚟講佢以前啲嘢,佢過咗身影響唔到佢啦,但真係唔想再影響到我媽咪(華娃),唔好拖我父母落水,呢個係我自己嘅事,我係好愧疚嘅,因為呢件事又再講,我daddy媽咪以前嘅事情,我係好唔開心,但我好希望今次呢個好細節講咗我同佢幾時開始發展,佢幾年前離咗婚,我哋光明正大,唔應該攞嚟再講,今次咁細節咁澄清,大家會知道晒所有嘢。問到與Peter有冇結婚打算?佢話:「我同Peter現在關係非常之要好,但冇進一步計劃再做任何嘢,但我已視佢為終身伴侶。」


來源 source: http://s.nextmedia.com
鍾意就快D Share啦!