掃呢頁CODE去手機

2017年4月3日 星期一

張紋嘉:Regen離隊 張紋嘉受打擊變厭食 __,張紋嘉,張惠雅,Regen,

張紋嘉表示自己性格好怕變。歌手張紋嘉(Crystal)亮相TVB娛樂新聞台節目《StarTalk》,接受主播許文軒(Edmond)專訪,大談入行十年及 ...


張紋嘉表示自己性格好怕變。

歌手張紋嘉(Crystal)亮相TVB娛樂新聞台節目《StarTalk》,接受主播許文軒(Edmond)專訪,大談入行十年及宣布暫別樂壇感受。

Crystal表示將會專注演戲方面的工作,她說:「好似做咗好多年舞台劇同拍劇都Build Up唔到演員嘅身份,大家都會覺得我歌手身份太重,自從上年去咗美國進修演藝課程之後,覺得自己有無限嘅可能性,我冇嘢可以輸,咪試吓跳出自己框框,始終同時間又演戲又唱歌,係好難專心,但真係有唔捨得。」

問到入行十年組合先後經歷過組員離隊及拆夥時,Crystal說:「我最唔適應係Regen離隊,我個人好怕變,當時覺得好驚,又冇安全感,嗰時情緒有啲困擾,變得好唔鍾意食嘢,覺得食嘢係一件好無聊嘅事,搞到好瘦好辛苦,自己亦睇唔到將來,我有同Regen講,我從來冇嬲,亦冇唔忿氣,因為係緣分,如果唔係我唔會去做舞台劇,亦唔會行到呢步,舞台劇畀到我信心,所以我好堅持演戲,希望演戲上會有代表作。」

談到與HotCha成員不和的傳聞,她説:「其實我哋冇嘢發生過,有時可能原本冇嘢,畀報道講到好似有啲嘢咁,呢啲我最唔想見到,喺朋友之間我唔怕鬧交,但我最唔鍾意旁邊嘅人同評論影響到大家嘅關係,始終依家大家唔同公司,各有各忙,的確比以前少見面,但我哋間唔中都有Message交流。」


來源 source: http://hk.on.cc
鍾意就快D Share啦!