2017年4月18日星期二

周潤發祝福初生嬰笑晒玩Selfie __,周潤發,

周潤發祝福初生嬰笑晒玩Selfie

影帝周潤發昨日下午一時許獨自步出養和醫院，戴上黑超及Cap帽的他以一身行山造型現身，並透露剛探望母親：「佢冇事，循例身體檢查。（之後去行山？）咁熱，唔行啦，今朝行咗喇！」周潤發友善地道別後，前往停車場取車，途中被一對剛誕下初生嬰兒的夫婦「捕獲」要求合照，他貫徹親民作風，親自揸機與他們Selfie，更不厭其煩地以多角度拍攝，臨走前更對初生嬰兒說：「小春雞！」認真冧爆！

周潤發探望入院身體檢查的母親。

據悉，周潤發的母親陳麗芳年屆96歲，身體向來很好，說話依然鏗鏘有力，而周潤發出名是廿四孝兒子，早前接受東網訪問時曾表白：「媽咪生你係佢最危險嘅時候，其實你生日應該同媽咪慶祝，唔應該你慶祝，幸運地你媽咪生咗你而佢冇死到，你應該同媽咪分享，唔應該媽咪拎個蛋糕叫你吹蠟燭，應該係你感謝媽咪，多謝你咁辛苦生咗我！」