王麗嘉（左）同陳婉衡鬥晒比堅尼。
雖然阿媽話未食五月糉，寒衣不敢送，但係水着真係一連四季都唔使收埋，有陽光就有水着！名模馬詩慧兩名千金王曼喜同王麗嘉出名樣靚身材正，繼大女王曼喜早排連環晒出浴大裸背等噴血相後，二女王麗嘉都要出招，喺社交網同樣大晒水着照。個個都晒水着相，但點樣吸Like吸晴度爆燈，「角度的重要性」係一生嘅學問！嗱！大家學嘢嘞！好似身處喺美國加州嘅沙灘、咬住粒士多啤梨嘅王曼喜，好霸氣咁影咗張低炒「漏奶」，即係令你好似喺現場一樣，喺佢前面踎低，之後再望上去......嘩！你見到咩先？南北半球？仲用呢個Terms就Out擺到明係嚟自廣東佛西嘅民間小吃：西樵大餅！唔係唔係嘛？
同樣成日晒水着晒到好似呼吸一樣自然嘅無綫咪神陳婉衡，相比王麗嘉張水着相，就冇咁搶Fo！身處泰國嘅陳婉衡以超緊身三點式、尤如紮糭一樣大晒36E胸器，雖然都吸睛嘅，但如果識得再玩吓角度，咪更加一地都係......花生囉！
來源 source: http://hk.on.cc
|
鍾意就快D Share啦！
|
|
|
