掃呢頁CODE去手機

2017年5月22日 星期一

BB喊點算?蘇永康過你兩招氹B秘訣 __,蘇永康,

呢個新手爸爸一啲都唔新手!藝人蘇永康(阿公)今年三月榮升做爸爸,太太Anita為佢生咗囝囝蘇展弘(Jazz),Jazz生得精靈可愛,難怪阿公錫佢錫到燶 ...


呢個新手爸爸一啲都唔新手!

藝人蘇永康(阿公)今年三月榮升做爸爸,太太Anita為佢生咗囝囝蘇展弘(Jazz),Jazz生得精靈可愛,難怪阿公錫佢錫到燶,不時喺社交網分享Jazz嘅生活點滴,一班網民都好錫Jazz㗎,仲留言讚佢靚仔過爸爸!

推BB車有一手

近日阿公喺社交網就上載咗兩條短片教大家「氹B攻略」,喺第一條片段中,見到西裝骨骨嘅阿公身處澳門,好溫柔咁推住BB車,佢留言話:「Jazz 要瞓覺呀,千祈唔好嘈醒佢呀,嘈醒咗好大鑊㗎。」鏡頭一轉已經見到Jazz瞓得好冧,證明爸爸推BB車有一手啦,網民仲留言笑阿公:「嘈醒咗就跟埋爹哋出去表演,爹哋唱《越吻越傷心》,然後Jazz表演喊。」嚇到阿公即刻回覆:「吓!小姐你冇嘢吓嘛?」

「止喊大法」

不過另一條片見到阿公仲厲害,阿公表演「止喊大法」呀!片段一開始見到Jazz原本喊到拆天,阿公拎住支水示意飲一啖,當佢含住呢啖水嘅時候,然後喺Jazz耳邊漱口,呢個時候...神奇的事發生了!Jazz聽到漱口水聲之後,竟然即刻收聲唔喊喎,仲乖乖合埋眼再瞓,阿公嘅「止喊大法」宣布成功,阿公開心到對住鏡頭直豎拇指!阿公仲留言自爆呢個絕招係喺網上面學嘅:「和大家分享一下,通常BB不在生病,肚仔餓及大小便未處理的情況下哭=扭計,百分之九十有效。」網民都紛紛留言大讚呢個新手爸爸勁呀!

網民有話兒:

manxxyu218:恭喜,蘇爵士要愈大愈靚仔呀!要靚仔過爸爸!快高長大!健健康康!

tataxxxxla:似媽媽肚內的聲音!呢招真係有效喎!

milxxx30hk2004:我都有睇過那專家介紹,蘇生活學活用。

kxss_of_fxxh:有冇發現Jazz開始真係扭計喊,但聽到水聲個(嗰)陣,即時扁嘴喊,以為係媽咪啊

hello_kxxty_ngan:好勁呀


來源 source: http://hk.on.cc
鍾意就快D Share啦!