生日快樂！
藝人王君馨（Grace）今日與一班粉絲開派對慶祝31歲生日，早前在《心理追兇 Mind Hunter》的演出為她吸納不少粉絲，席上有粉絲更笑言要到現場觀禮，不過未來老公Daniel就未有出席，她笑說：「佢返工呀，我覺得啲粉絲會心心眼我老公仔，費事畀太多甜頭佢哋，所以唔帶佢嚟喇。（男友送咩禮物？）佢已經送咗個人畀我！」Grace坦承已定婚期，早前更出動試戴金器，鬼妹仔的她坦言覺得戴金豬「好奇怪」，但亦會依足傳統安排婚事。
講到是婚前最後一個單身的生日派對，Grace笑言沒有太大感觸，反而是Daniel將於15日生日，往年很少機會能共度生日，之後會都把握機會與老公仔齊齊過。Grace又透露正日生日（5月5日）與一班同屆港姐食飯慶祝，她說：「因為當年港姐面試係同我生日同一日呀，今次同佢哋食飯，好多人都已經結婚生仔，我之前一直對小朋友有啲抗拒，唔係話特別鍾意。但係最近有覺得小朋友好可愛，但暫時都未計劃生，可能兩三年後先再添家庭成員。」
來源 source: http://hk.on.cc
|
鍾意就快D Share啦！
|
|
|