幾時好事近？
藝人姚子羚為無綫新劇《天命》拍攝外景，與張文慈拍攝一場運小朋友出宮的戲份，拍攝時氣溫高達三十度，子羚穿上毛毛戲服之餘更要披厚身斗篷，熱上加熱，見她與張文慈大汗叠細汗，更不停問工作人員攞紙巾抹汗，她笑謂：「披親斗篷都係無啦啦好熱嘅天氣，着洋裝單薄啲就會突然返風！」
姚子羚透露早前為《天命》到橫店外景26日，期間男友想前來探班，可惜她忙於拍攝而拒絕，又直言今次是二人拍拖以來分開最耐一次，全靠視頻通話、WhatsApp來聯絡，回港獲男友接機的她更不經意透露二人已同居！她說：「佢喺睡房擺花送畀我，但我攰到返去攤咗喺度，跟本唔知有花，男友提我先知，都好唔好意思。（煞科可以抽時間陪男友？）聽日有劇開，嚟緊仲傾緊重要嘅工作，稍後又再拍劇，工作排到出年，幾次計劃同男友旅行但最終都去唔到，有個朋友出埠搞婚禮都好可惜去唔到，都要事業為重。（你同男友愛得癡纏，出年計劃人生大事？）吓，呢啲唔係我女仔講㗎喎，要商量，男仔要有表示。」
來源 source: http://hk.on.cc
|
鍾意就快D Share啦！
|
|
|