網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2017年5月1日 星期一

【《心追》結局好特別?】馬明自殺揸車衝落海 王君馨親手殺兄曹永廉 __,馬明,王君馨,君馨,曹永廉,馬國明,

大台劇《心理追凶》,少有被網民讚劇情緊湊,演員嘅演出又有突破,帶出咗唔少平時唔係好出名嘅演員,好似弒母嘅麵店太子爺何遠東、做兵做到坐監嘅韋家雄、以為自 ...


大台劇《心理追凶》,少有被網民讚劇情緊湊,演員嘅演出又有突破,帶出咗唔少平時唔係好出名嘅演員,好似弒母嘅麵店太子爺何遠東、做兵做到坐監嘅韋家雄、以為自己誤殺女友嘅方紹聰(奶仔),主角嘅馬國明同王君馨一樣大受讚賞。呢套劇嘅最後Boss就係曹永廉同王君馨,王君馨飾演反社會人格障礙患者,成日都會利用其他人,而演佢哥哥嘅曹永廉,都讚過呢套劇幫咗唔少演員,但大台嘅劇集,去到結局嘅時候,成日都會草草了事,今次又會唔會咁呢?之前馬明同埋王君馨,就話過呢套劇嘅結局同大台一向嘅劇集好唔同,而事實係點呢?最後結局大Boss曹永廉死喺妹妹王君馨手上,而王君馨就自首話自己殺咗幾多人,但最後都係講馬明到底有冇因為追求真相,而成為咗一個反社會人格障礙患者,有一段戲係講馬明對曹永廉,曹永廉就一直話馬明同佢冇分別,因為都係為咗達成目的,而無視身邊人嘅感受,但馬明就當然係反對啦。咁結局到底有咩咁特別呢?就係馬明嘅下場喇,原來馬明心入面,一直都可以見到佢死咗女朋友湯洛雯嘅幻影,但因為佢為咗達到佢目的,破壞咗佢心入面嘅堅持同信念,所以再見唔到湯洛雯嘅幻影,最後就揸住部車向住個海話:「你唔肯返嚟見……」之後部車衝向海,到跌落海前一秒,完咗嚕!咁馬明死咗未?冇人知,係唔係好特別呢?講到膠位呢,又點會冇呢?好似交待大Boss嘅奸計咁,都係用對話、曹永廉坦白交待,又被馬明錄咗音咁,冇錯,又係錄音,不過唔係偷聽係唔係已經叫做有進步?

(電視截圖) 又係錄音筆啊!
呢頭唔用刀殺,轉頭用另一個方法殺 見到湯洛雯嘅幻影
最後馬明有冇死呢?

來源 source: http://s.nextmedia.com
鍾意就快D Share啦!