肥媽慘遭家暴，她在節目上說出這段慘痛經歷，情緒波動喊了出來。
肥媽一向給人強悍的印象，但在最新一輯無綫節目《關你家事》的宣傳片中，肥媽卻哭訴遭家暴！由麥長青、江美儀及林盛斌(Bob)主持的《關你家事》將於下星期播出，其中一集的嘉賓是肥媽，事緣肥媽在十八歲時嫁給比她大廿二年的菲律賓酒廊琴師，婚後一年對方失業，肥媽唔單止要養起全家一家八口，當中包括老公與前妻所生的四個子女，而老公每月都攤大手板問肥媽攞錢，唔單止咁，肥媽在節目中仲自爆慘遭家暴，對方更一度拎刀。
《東網》記者問番肥媽家暴一事，佢直言：「唔想再提，已經過去，依家我好好，好開心，只不過當是喺節目度情緒波動講番呢件事出嚟啫，我有6個小朋友，咁多年嚟都冇講，唔想再提，睇小朋友份上原諒咗佢。」
問到除咗拎刀外，有冇試曾被打到入院？肥媽說：「有，梗係有啦，你諗得到嘅都有㗎喇。」肥媽再度強調，件事已經過去唔想再提，不過有時會忟憎，係因為有啲人會講，睇仔女份上，一家人團聚啦，其實大家要諗番當時我所經歷嘅嘢，係一個烙印，會恐懼會驚，雖然已經過咗去，但始終當時感覺係好真實，我係人嚟嘛，依家聽到佢個名我個心都會震一震，都會寒一寒，希望大家都明白佢嘅心情。
幸好肥媽現任老公阿Rick好錫佢令她重拾信心，現在的肥媽有6個仔女，13個孫，家庭幸福，算是苦盡甘來
來源 source: http://hk.on.cc
|
鍾意就快D Share啦！
|
|
|