阿Sa能力愈大責任愈大。
藝人蔡卓妍（阿Sa)出席於中環舉行的品牌開幕剪綵儀式，問到品牌是否送了很多手袋給她，她表示：「係呀，做完活動都有禮物收。（會唔會同媽媽分享？）會呀，佢會好開心，女人最鐘意就係手袋、鞋同飾物。（唔係錢咩？）錢個個都鍾意啦。」
慳得就慳
談到Sa媽是否潮人？她說：「佢係一個好樸素嘅人，有時會覺得我買啲款好誇張，所以依家都好少買嘢畀佢！」問是否儲錢買樓？她說：「我好大支出㗎，樓、車、屋企人、狗仔、工人姐姐、阿嫲同埋要供我堂妹去英國讀書，好貴呀。（家庭支柱？）細個都想去第二度讀書，但當時屋企條件麻麻。而堂妹畫畫好，有藝術天分，唔好浪費！（要50萬一年？）差唔多，我冇兄弟姊妹，堂都叫做親，佢又細我好多年。（自己會唔會讀？）唔係太想。（想嫁人？）都唔係呀，隨緣」
未想嫁住
談到年紀都唔細，她說：「真嘢唔好攞出嚟講，自問都keep得幾好，想搵多啲錢先。同埋佢啱啱先完Foundation，依家先大學，要供三、四年。」她同時表示小時候一直住在鴨脷洲，希望堂妹可以增長見識：「因為住喺鴨脷洲啲人通常都會留喺度，我唔想佢好似我咁，我想佢去第二啲地方見識多啲。（會唔會想探佢？）佢唔喺London，係再遠啲，都好開心嘅見識其他地方，因為佢性格本身都內向。」
來源 source: http://hk.on.cc
|
鍾意就快D Share啦！
|
|
|