馬明冇得輸
馬國明在將軍澳電視為《宮心計2深宮計》開工。講到契妹唐詩詠與洪永城（Tony）分手，馬明說：「我都係呢幾日先知，大家好少講感情嘢，係唐詩詠主動打畀我講，佢都有同林子善講。（佢心情點？）見佢冇乜嘢，可能唔係呢幾日發生，都已經一段時間，只不過依家先公布。（分手原因？）冇問，呢啲嘢都係等佢自己講。（有傳唐詩詠同盧啟邦拍拖？）唔知，佢冇講。（唐詩詠係咪好多人追，有新戀情？）唔知，我呢個妹好嘢嚟，就算多人追都唔會驚訝，最緊要大家開心。」
唔會問候洪永城
講到網友希望馬明追唐詩詠，他笑言：「哈哈哈，唔好辣埋我，佢傳緊新戀情，我又唔知真定係假，如果係真嘅話搞『禍』就唔好。（驚唔驚同唐詩詠緋聞會翻炒？）唔好拉我落水。（使唔使向黃心穎派定心丸？）派乜定心丸？唔好拉我落水。（劃清界線？）又唔係，佢做咩決定我都會支持。（會唔會搵唐詩詠食飯安慰佢？）之前大家一齊同佢食飯慶祝生日，嗰陣佢都冇乜唔開心，嗰陣仲未知佢分手。（洪永城冇出席唔覺得奇怪？）其實佢未試過帶Tony嚟同我哋兄弟姊妹食飯，好似嘉穎都冇帶過Grace嚟。（見到洪永城會唔會問候下佢？）唔使，感情係私人嘢，呢幾日喺化妝間見到Tony，佢都冇乜嘢，聽講佢哋係和平分手，最緊要係詩詠開心。」
來源 source: http://hk.on.cc
|
鍾意就快D Share啦！
|
|
|