歌神張學友同羅美薇結咗婚21年，婚後佢哋生咗張瑤華同張瑤萱兩個囡囡，羅美薇息影專心照顧囡囡，雖然搵錢嘅重任交咗俾爹哋，但係學友都好識得分配時間，唱歌拍戲之餘，仲可以有時間做柴可夫接送囡囡返學同放學，將屋企人保護得好好，甚少俾佢哋曝光！唔經唔覺，8月係大女瑤華嘅17歲生日，學友曾經喺訪問度講過，佢曾經唔知道自己點樣面對囡囡嘅戀愛問題，好彩最後覺得囡囡應該有屬於佢自己嘅人生，做爸爸媽媽只可以放手，所以學友拉近同囡囡嘅距離，走去學用fb、whatsapp！喺15年，有周刊影到學友嘅大女同外籍男同學夜遊蘭桂坊，嗰陣學友已經代女否認，只係好朋友。不過噚日有周刊報道話瑤華越大越標緻，望落去仲好似媽咪羅美薇，可能因為讀國際學校嘅關係，所以身邊啲朋友以外籍人士居多，而且佢仲經常以小背心示人！報道話瑤華同一個叫Mathis喺網上傳情，除咗有佢哋相擁嘅合照之外，仲互相留言話「love you」，但係Mathis喺fb嘅感情狀況話係已婚，唔知佢哋只係好朋友關係，抑或者真係男女朋友嘅關係，似乎又要等學友現身解畫。
來源 source: http://s.nextmedia.com
|
鍾意就快D Share啦！
|
|
|
