掃呢頁CODE去手機

2017年6月23日 星期五

【一落機就返學?】是非纏身 Celine老竇拖女暴走避傳媒:佢好鍾意返學㗎! __,Celine,

是非纏身的小巨肺Celine爸爸譚順生(自稱DrSteve),由被指利用個女做「搖錢樹」到被俾家燕媽媽公開指摘不顧行規搶學生而且學費仲萬萬聲,跟手再被 ...


是非纏身的小巨肺Celine爸爸譚順生(自稱Dr Steve),由被指利用個女做「搖錢樹」到被俾家燕媽媽公開指摘不顧行規搶學生而且學費仲萬萬聲,跟手再被爆個人得獎成績表與事實不乎及刻薄員工等等,是非一籮籮。之前接受訪問稱女兒Celine日日7點起身練歌,一星期練廿個鐘嘅Dr Steve,今早6時半左右﹐父女搭機返港。原定於A閘出閘,Steve突然改為B閘出,未知是否為避傳媒兜個大圈。有一名男子接機。行色匆匆的Steve見走唔甩,即大耍太極,對於種種提問如是否已致電向家燕姐道歉未及是否已如聲明承諾捐出約8萬元學費作善事等全不回應,只道:「個女要趕返學呀!唔講住喇!我個女好鍾意返學咊㗎!」一落機就要返學?咁今朝練咗歌未?問Celine妹妹稍後計劃於《全美一叮》選唱甚麼歌?Steve即代女搶答:「呢啲唔可以講㗎,簽咗保密協議。總之揀咗廿幾隻歌啦。」未知Steve是否留待周日宣傳自己新碟時先至一次過回應傳聞啦。

採訪、攝影:黃曉程、梁繼光 Celine好精神喎!一陣真係要返學? Steve拖女避回應
「我個女好鍾意返學㗎!」
Celine見慣大場面,一啲都唔擔心。

來源 source: http://s.nextmedia.com
鍾意就快D Share啦!