陳凱琳話佢未Ready同嘉穎結婚。
藝人陳凱琳為「第87屆香港結婚節暨夏日婚紗展」擔任模特兒，示範四套婚紗，她出場時，背景音樂突然停了，但她亦表現冷靜，不過期間紗倒裙腳差點仆倒，事後她說：「都習慣咗，做慣大騷Live騷，我做大騷都會有好多蝦碌嘢，今次都唔係最Worst嗰次，但都係難忘嘅經歷。（頭先差啲絆倒？）係呀，因為我轉唔切身，裙擺有個網，好在好快冇事。（揀咗第時結婚着咩裙未？）尋日試身時，可能自己都係女仔，都會諗吓第時着咩婚紗，可能會揀長袖婚紗，因為將來睇番都夠Classic。（有冇傳相畀男友鄭嘉穎睇？ ）未呀，因為佢喺廣州做緊巡演，但大家又Send短信祝大家Good Show！」
想峇里行婚禮
陳凱琳透露剛參選港姐後走過一次婚紗騷，今次是第二次，也是拍拖後首次行婚紗騷，問到會否特別Sweet？她即甜笑說：「都會㗎，頭先有一刻行得好投入，都會諗面前如果係邊一個心情會點？ （着婚紗會想嫁？）好在喺未嫁之前行呢個Show過吓癮！（將來結婚會想咩形式？）頭先同個化妝師傾開，佢話啱啱幫對新人喺峇里婚禮化妝，咁我聽到都覺得幾好，又夠私人，可以親近大自然，又同班朋友可以Close啲！（心唔心急？有冇諗過幾時？）都會係呢兩年嘅事，佢唔想我乜都未經歷過，好似一個人獨立嘅生活咁，因為結咗婚就唔係一個人，係兩個人一齊生活。（你未準備好？）要多少少時間。（即係鄭生預備好等你咋喎？）咁要問番佢勒！」
來源 source: http://hk.on.cc
|
鍾意就快D Share啦！
|
|
|
