2017年6月3日星期六

卓林出院回家：從來冇嬲媽咪！ __,卓林,吳綺莉,吳卓林,

卓林出院回家：從來冇嬲媽咪！

單親媽媽從不易做，吳綺莉早前因女兒卓林的交友問題致母女起衝擊，更涉嫌刑事恐嚇被捕，其後又因女兒入院留醫而愁爆，事件擾攘期間壓力爆煲，曾聲淚俱下求女兒回家！幸好留醫兩個月後，卓林日前終返家重投母親懷抱，昨日母女一同外出，卓林更首度開腔護母：「從來冇嬲媽咪！」總算雨過天青。

卓林住院兩個月後終於出院，坦言從來沒有嬲母親吳綺莉。

可憐天下父母心，單親母親吳綺莉（Elaine）這兩個多月來，為了女兒卓林的事而終日愁眉不展。早於3月中，Elaine就交友問題與女兒卓林起衝突，及後更因涉嫌刑事恐嚇而被警方扣查。期間，她安排卓林到泰國旅行散心，但起程後不夠一日，女兒便因情緒不穩而急返港送院，令她憂心不已！期間負面新聞不絕，Elaine一度在記者會上落淚求女兒返家。及後，她為女兒秘密轉院養病，留院初期雖然母女交流有限，但血濃於水又怎會有隔夜仇，單看Elaine在社交網圖文並茂抒發「望女歸家」之情，可見她對女兒的歸期何等盼望，而這位為愛女而暴瘦的母親終有回報！

潮着爛牛人字拖

留院兩個月的卓林在醫生及社工等批准下，日前終於出院返家，重投母親懷抱。除了Elaine大感開心外，終日在卓林房門等候的愛貓，相信亦因小主人回歸而開懷。母女昨日結伴外出Shopping，約下午1時，Elaine與卓林齊齊落樓上車，全新黑色打扮、潮着爛膝黑牛加人字拖的卓林雖用外套帽笠頭，但見她出院後已精神不錯，惟略見消瘦。Elaine先開車到跑馬地並進入一間銀行，期間問到與卓林關係？她一度深呼吸表示兩母女冇隔夜愁：「處理緊！（個女睬番你啦？）兩母女……（冇隔夜仇？）係」其後兩人開車到中環，母女分頭行事，Elaine到電話公司，卓林則買外賣。當見到記者打招呼時，正聽歌的卓林亦禮貌地除下耳機，被問到可有嬲媽咪？卓林語氣堅定說：「冇！從來都冇！（身體點呀？）OK呀！」女兒一句「從來冇嬲媽咪」，印證母女終於和解，難怪兩人再會合返跑馬地便利店買零食時互有交流，戴着口罩的Elaine亦解愁眉。不過，期間卓林見記者拍照時，將原本捲起的手袖不自覺拉低，此時驚見她左手有近二十條鎅手傷痕，實在令人心痛。

卓林手臂驚現鎅手傷痕，睇見都心痛。

吳綺莉外出時發現記者即掩面，卓林則以外套帽笠頭。

重現笑容

學懂相處適時冷靜

對於女兒開腔表示從來冇嬲媽媽，Elaine昨日受訪時坦言開心到爆：「梗係開心同埋囡囡依家返嚟屋企，我都放下心頭大石！」雖然卓林仍有社工跟進，但今次母女雨過天青，再次同居一室，她坦言相處方式亦要重新開始：「社工有提醒我要Time Out，即係母女間如再遇到衝突，大家就要行開吓，畀自己空間冷靜落嚟！（之前話要學做媽媽？）係呀！我有學以致用o架！依家一齊揀咗一套恐怖電影返屋企睇，大家有溝通，相處上一切良好！」

卓林身穿爛膝黑牛加人字拖，街坊得嚟又夠型！	卓林見記者時微笑又揮手，似乎壓力已一掃而空。	吳綺莉與卓林到便利店購物，有商有量。
放大圖片	購物後，卓林乖乖幫手攞戰利品，與母親開車離開。	放大圖片