熱爆娛樂: 【率先爆】王君馨美國教堂行禮「處女黨」鍾嘉欣、李亞男陪嫁 _

2017年6月12日星期一

【率先爆】王君馨美國教堂行禮「處女黨」鍾嘉欣、李亞男陪嫁 __,嘉欣,王君馨,君馨,李嘉欣,李亞男,鍾嘉欣,

(新增圖片)現年31歲嘅王君馨（Grace）去年低調入紙排期，與拍拖11年嘅圈外男友Daniel註冊結婚。雖然已經簽咗紙，但Grace同Daniel都係虔誠基督徒，所以好重視喺教堂舉行婚禮呢一part，覺得咁先係正式結婚。噚日Grace終於出嫁喇！據悉Grace同Daniel已經喺美國一間教堂行禮，除咗雙方父母及美國親友，仲請咗Grace一班好姊妹擔任伴娘，當然唔少得「處女黨」成員鍾嘉欣、李亞男，仲有教友裕美同衛蘭，都專程飛去美國參加婚禮。據有份出席婚禮嘅人透露，Grace穿上一襲有袖低胸、透視短裙婚紗，輕露事業線，高貴優雅；而一班姊妹則穿上不同款色嘅灰色晚裝裙，配襯銀色頸鏈，各具特色。而一對新人亦有依傳統穿上裙褂斟茶俾長輩。據悉王君馨一直希望婚禮可以低調進行，所以保密功夫做得好足，圈中只有幾位好姊妺得知。裕美4日前喺Ig透露自己出發去New York City，而衛蘭都有貼一啲美國街頭相片，但對婚禮卻絕口不提，非常口密。將於下月11日，喺香港「美國會」擺酒，到時先會大肆慶祝，廣邀圈中好友及傳媒採訪。其實美國對Grace同Daniel確有深層意義，因為佢哋當年就係喺紐約一間cafe相遇，而且一見鍾情。Grace曾於訪問中表示：「我當時喺cafe做侍應，佢(Daniel)就係客，佢第一次見到我之後，就特登睇我schedule，然後日日嚟扮才子讀書，貼士又俾得特別多。佢後來有同我講，話其實當時好緊張，唔敢同我講嘢。」

王君馨同老公Daniel日前喺美國教堂舉行婚禮。		欣宜都有份出席
王君馨同老公Daniel日前喺美國教堂舉行婚禮。	由於想低調舉行，所以事前保密功夫做足。
	衛蘭有份參加婚禮。	裕美都有。
裕美ig	衛蘭ig	鍾嘉欣同李亞男都有份做姊妹。