包包已經20個月大喇！徐榮透露囡囡返緊play group！
藝人徐榮帶埋仔仔徐朗及細女徐心怡（包包）於紅磡出席商場活動，他表示包包已經20個月大，可講單字又會慢慢組織短句子。問到父親節如何慶祝時，他反問記者是何時，又謂父親節要開工，至於可會提前慶祝？他說：「做完嘢食個下午茶啦，依家開緊《大帥哥》。（抽時間陪小朋友？）每日都有，係冇時間去街，日日喺屋企見。」又笑指包包有哥哥及表姐陪不會悶。
至於可有陪小朋友睡覺？他說：「有㗎，床仔就喺我哋隔籬，佢有時起身就拍吓我哋，想同我哋瞓。（黐你？）黐媽媽多，我就要玩一輪先黐！」
談到可有為包包搵學校時，他說：「依家返play group，兩歲先返學前班。（揀名校？）唔會啦，想佢輕鬆啲！（係怪獸家長？）唔係，唔會太緊張，由佢跌跌撞撞，佢都幾獨立㗎，幾多陌生人都唔怕！」又指不會讓包包拍劇，但輕鬆的工作就可以，也會帶包包參與慈善活動。
來源 source: http://hk.on.cc
|
鍾意就快D Share啦！
|
|
|
