一個濕身一個爆肌，呢個畫面會唔會令人有太多嘢諗？
曾經被問到會唔會出爆肌寫真，而Man爆回應一句「Why not？」嘅唐文龍，雖然已經47歲，但愈嚟愈有佬味！今次佢仲同38歲人妻兼人母陳敏之鬥搶鏡！
一個爆肌一個濕身，佢哋搞……咩呀？是咁的，其實就係為無綫新劇《溏心風暴3》拍一場落水戲，喺劇中敏之戀上「人夫」唐文龍，仲預告有幾激嘅床戲！雖然床戲就未有得睇，但佢哋就喺微博晒咗張合照，呢張相都幾有睇頭㗎！見到唐文龍半裸晒出8嚿肌肉，加埋個燦爛笑容真係好陽光！而敏次就着上低胸白色衫，打大個心口，頭髮仲濕晒，個畫面幾咁震撼！
其實唐文龍之前已經「日夜鍛鍊去取勝」，不時做Gym操肌，連敏之都留言大讚：「話說有人日操夜操果然有成績！」大家係咪好期待佢哋嘅演出呢？
來源 source: http://hk.on.cc
|
鍾意就快D Share啦！
|
|
|
