掃呢頁CODE去手機

2017年6月14日 星期三

【獨家】珍藏升值!小方畀老竇爆身家過億 __,小方,方力申,

小方同父親一齊接受東網獨家訪問。歌手方力申(小方)與父親方毓仁不但長得十足餅印一樣,而且非常好傾,由游泳、籃球、股票到名畫買賣都無所不談。方父經營藝術 ...


小方同父親一齊接受東網獨家訪問。

歌手方力申(小方)與父親方毓仁不但長得十足餅印一樣,而且非常好傾,由游泳、籃球、股票到名畫買賣都無所不談。方父經營藝術品畫廊生意30年,小方則由2005年開始買第一幅畫作收藏,小方說:「由我出世就開始接觸畫,一開始係爹哋介紹,佢話呢幅幾好,不如你買,唔好淨係使錢喺其他奢侈品,會眨值嘅,況且男人都鍾意收藏嘢。」他表示很多藝術品都是獨一無二,極具收藏價值,目前他約有過百件收藏品,更被老竇篤爆「以價值嚟講有幾千萬」!加上手上的豪宅,小方身家估計近億!方父再踢爆有客人睇中小方的收藏品,即使可以賺兩、三倍,小方都不肯買,小方笑說:「煲醋,愈老愈香!」

名錶做禮益晒賊人

父親節將至,父方表示從不慶祝任何節日,包括生日:「有乜好過啫!過一次少一次,我係向死而生,所有節日都係為細路仔啫,老人家嘅快樂來源係睇見啲後生仔女快樂。」他透露小方送過兩隻名錶給他做父親節禮物:「結果一隻喺巴黎畀人搶咗,一隻擺喺屋企,畀賊入屋偷咗,所以送嚟做咩啫,兩隻都益咗個賊!」

集中精力做好一樣

「飛魚王子」小方至今仍是兩項香港紀錄保持者,原來他的父親及爺爺都是游泳好手,方父說:「成個游泳界都傳說,想個仔游得好,就好似方力申個老竇咁。我啲生意都可以唔做,閂咗舖去泳池陪佢練水。」他又分享做人哲學:「唔使乜都識,最緊要集中精力識一樣,做好一樣就夠喇!我都代表北京游過,可以咁講,我老竇游水好過我,我個仔游水好過我老竇。」

賽前掛住打機反而破紀錄?

小方現時生性又孝順,原來亦有奀皮事,他說:「有次我要去練水,但走咗去遊戲機中心,打到咁上下我都醒㗎喇,睇住個鐘老竇差唔多嚟接我,諗住沖個涼扮練完水,點知去緊泳池方向,喺大堂同老竇撞到正一正。佢知我去咗打機,但冇鬧我,只係話:『走啦,返去喇!』你愈唔鬧小朋友就愈驚,所以我喊晒,因為我本性善良。」翌日的比賽,小方游得特別快,更創出新紀錄,他笑說:「將內疚化為力量報答番老竇。」他笑言每當讀書成績不合格、欠交功課或被罰記過,需要家長簽名的時間,他就會游得特別快:「一定係Best Time破紀錄,老竇好開心,咁就會幫我簽名。」


來源 source: http://hk.on.cc
鍾意就快D Share啦!